Русский  >>  فارسی  >>  Сешанбе 18 июн 2019, 23:45

Анвар Ҷалилов: Бидуни раисҷумҳури Тоҷикистон ҳам ҲХДТ рақобатпазир аст (САДО)

27 январ 2015, 08:31

Анвар Ҷалилов, муовини раиси Кумитаи иҷроияи Ҳизби халқӣ-демократии Тоҷикистон дар вилояти Суғд мегӯяд, дар сурати аз раҳбарии ҳизб канор рафтани Эмомалӣ Раҳмон низ ин ташкилоти сиёсӣ дар рақобатҳои сиёсӣ пешгом хоҳад буд. Ӯ ин нуктаро зимни як нишаст бо рӯзноманигорон дар Дафтари САҲА дар шаҳри Хуҷанд изҳор дошт.

Ба қавли номбурда, агар аз ӯ солҳои 1995-96 суол мекарданд, ки дар сурати аз раҳбарии ҲХДТ даст кашидани Эмомалӣ Раҳмон ин ҳизб дар баробари дигар аҳзоби сиёсӣ рақобатпазир буда метавонад, шояд ҷавоб дода наметавонист: “Чун мо акнун ташаккул ёфта истода будем. Ман яке аз шахсонеам, ки аз рӯзи таъсисёбӣ дар ҲХДТ ҳастам. Ман муқоиса карда метавонам. Имрӯз ҳар нафаре, ки сарвари ҳизби мо набошад, ҳизби мо пурқувват аст ва ба рақобатҳои сиёсӣ тайёр аст”.



Ин дар ҳолест, ки бархе аз мунақидони ҲХДТ мегӯянд, ин ҳизб ҳамеша барои нуфузи худ аз чеҳраи раҳбараш – Эмомалӣ Раҳмон, ки райисҷумҳур ва раҳбари ҳукумати кишвар аст, истифода мекунад.

Идеяи таъсисит Ҳизби халқӣ-демократии Тоҷикистон соли соли 1993 аз ҷониби Эмомалӣ Раҳмон пешниҳод гардид ва 15 декабри соли 1994 Вазорати адлияи кишвар онро сабти ном кард. Анвар Ҷалилов, муовини раиси Кумитаи иҷроияи Ҳизби халқӣ-демократии Тоҷикистон дар вилояти Суғд мегӯяд, ҳоло теъдоди аъзои ҲХДТ дар қаламрави вилояти Суғд ба 74 ҳазор ва дар ҷумҳурӣ ба 250 ҳазор мерасад. Ӯ мегӯяд, ба ҷуз аъзои ҳизб, тарафдорон ва онҳое, ки аз ҳизби онҳо пуштибонӣ мекунанд, хеле зиёданд.


Шарҳи худро бинависед:

Ном:*
E-Mail:
Матни шарҳ:
Посух додан
  • хахах

  • 27 январ 2015 08:46
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
муовинони пешини хизб маблаги обунаи Минбари халкро дар бонкхо гардиш дода мегаштанд,
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин хизбро Достиев Абдумачид ва Сайфулло Сафаров таъсис кардаанд, на Раҳмон. Дурӯғ гуфтан чаро?

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!