Баҳси рекламаҳои сиёсии ҲНИТ дар суҳбати Кабирӣ бо нозирони САҲА
Муҳиддин Кабирӣ, раиси Ҳизби наҳзати исломӣ ва вакили парлумони Тоҷикистон бо нозирони САҲА мулоқот карда, аз қонуншиканӣ ва фишорҳо ба аъзои ҳизбаш дар арафаи интихоботи парлумонии 1 марти соли равон дар кишвар ҳарф задааст.
Маҳмудҷон Файзраҳмонов, сухангӯи ҲНИТ дар суҳбат бо “Озодагон” гуфт, вохӯрии Кабирӣ бо Маклош Харастӣ - сардори намояндагии Миссияи нозирони интихоботи парлумонии 2015, Ксения Дашутина - коршиноси миссия оид ба масъалаҳои ҳуқуқӣ ва Даря Папротска - коршиноси миссия оид ба масъалаҳои сиёсӣ дар қароргоҳи ин ҳизб дар шаҳри Душанбе баргузор шудааст.
Ба гуфтаи ӯ, ҷонибҳо дар ин вохурӣ “вазъи Тоҷикистон, масоили марбут ба интихоботи парлумонии соли 2015, аз ҷумла омодагии ҲНИТ ба он, марҳалаи муаррифии номзадҳо, вуҷуди баъзе қонуншиканиҳо ва фишору маҳдудиятҳо болои ҳизб ва фаъолони он ва масоили дигарро баҳсу баррасӣ карданд.”
Раиси ҲНИТ зимни вохурӣ бо нозирони САҲА изҳори умедворӣ кардааст, ки ҳайати нозирони байналмиллалӣ дар интихоботи апрлумонии моҳи март рисолати худро холисона ва бетарафона анҷом дода, ҳамкории хуб бо номзадҳо, аҳзоби сиёсӣ, мақомоти давлатӣ ва нозирони миллӣ хоҳанд дошт. Инчунин дар ин вохурӣ ба нозирони САҲА намунаҳои маводи таблиғотӣ, плакатҳо ва шиорҳои интихоботии ҲНИТ нишон дода шудааст, ки шаҳрдории Душанбе барои насби онҳо ба хотири “рекламаи сиёсӣ” буданашон иҷоза надода буд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |