Русский  >>  فارسی  >>  Панҷшанбе 21 феврал 2019, 04:05

Баромадаи пешазинтихоботии Зоиров тавассути Шабакаи аввал

5 феврал 2015, 12:15

Раҳматилло Зоиров, раиси Ҳизби сотсиал-демократии Тоҷикистон, яке аз аҳзоби мухолифи кишвар тавассути Шабакаи аввали телевизиони давлатӣ барномаи интихоботии ҳизбашро муаррифӣ мекунад.

Раиси ҲСДТ рӯзи 5 феврал дар суҳбат бо “Озодагон” гуфт, ӯ ҳудуди 40 дақиқа дар ин барнома дар бораи барномаи пешазинтихоботии ҳизбаш ҳарф хоҳад зад. Ба гуфтаи раиси ҲСДТ, ин барнома имрӯз 5 феврал соати 19:20 дақиқа тавассути Шабакаи аввали телевизиони давлатии Тоҷикистон намоиш дода мешавад.

Ин дар ҳолест, то кунун Шодӣ Шабдолов, раиси Ҳизби коммунистӣ,Муҳиддин Кабирӣ, раиси Ҳизби наҳзати исломӣ, Абдуҳалим Ғаффоров, раиси Ҳизби сотсиалист ва Сайидҷаъфар Исмонов, раиси Ҳизби демократии Тоҷикистон барномаҳои худро тавассути Шабакаи аввали телевизион муаррифӣ кардаанд.

Комиссияи марказии интихобот ва раъйпурсии Тоҷикистон ба аҳзоби сиёсии кишвар, ки барои иштирок дар интихоботи парлумонии 1 марти соли равон расман ба қайд гирифта шудаанд, ба хотири муаррифии барномаҳо тавассути шабакаҳои давлатии телевизион 40 дақиқа вақт додааст. Номзадҳо аз ҳавзаҳои якмандатӣ бошанд, 20 дақиқа фурсат доранд, то аз тариқи шабакаҳои давлатӣ барномаҳои худро муаррифӣ кунанд.


Шарҳи худро бинависед:

Ном:*
E-Mail:
Матни шарҳ:
Посух додан
  • Мухочир

  • 5 феврал 2015 14:12
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Шумо кабирирохам 40 дакика гуфта будед мутаассифона 20 дакика баромад кард, хабархоро дакик нашр кунед мухтарам ozodagon!
Посух додан
  • чинди

  • 5 феврал 2015 16:28
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бисёр нагз. Бесаброна интизорем. Мо бо шумоем чаноби Зоиров!

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!