Ҳаракати троллейбусҳо дар шимоли Тоҷикистон номумкин аст

Абдуазим Дадобоев, сармуҳандиси  корхонаи воҳиди давлатии  троллейбусҳои Хуҷанд гуфт, ки ҳоло дар ин корхона 7 адад троллейбус мавҷуд аст, ки онҳо аз замони шӯравии собиқ ба «ёдгор» мондаанд ва имкони ҳамлу нақли мусофиронро надоранд.Норасоии ронандаҳо низ аз мушкилоти дигари ин корхона маҳсуб мегардад, ки ба далели камбуди маош тарки коргоҳ карда, иддае аз онҳо ба хориҷ аз кишвар рафтаанд. Оқои Дадобоев мегӯяд, феълан ин корхона барои харидории троллейбусҳои нав имкон надорад, зеро арзиши як троллейбус алъон ба 100 ҳазор доллари амрикоӣ баробар аст.

Масъулони КВД троллейбусҳои Хуҷанд мегӯянд, ки ҳоло барномаи рушди нақлиёт мавриди баррасӣ қарор дорад ва пас аз таъмиру таҷдид дар соли 2014 вуруди чанд автобусу троллейбусҳои замонавӣ дар назар аст.{jathumbnail off}