05 мар 2015 17:16Тоҷикистон / Интихобот - 2015 / Сиёсат / Тема дня

Аз 63 курсии парлумон 51-тоаш насиби Ҳизби Президент шуд

Ҳизби ҳокими халқӣ-демократии Тоҷикистон (ҲХДТ), ки раҳбарии онро Эмомалӣ Раҳмон, раисҷумҳури кишвар бар уҳда дорад, дар парлумони нав соҳиби 51 курсӣ хоҳад буд.

Усмони Солеҳ, сухангӯи ҲХДТ рӯзи 5 март дар суҳбат бо “Озодагон” гуфт, аз ин теъдод 16 нафар аз рӯйхати ҳизбӣ ва 35 нафар аз ҳавзаҳои якмандатӣ вориди парлумон шудаанд.

Ҳизби ҳокими Тоҷикистон дар пайи интихоботи соли 2010, 55 курсии Маҷлиси намояндагон, палатаи поёнии парлумони кишварро дар ихтиёр дошт.

Интихоботи парлумонии Тоҷикистон рӯзи якуми марти соли равон баргузор шуда, барои 63 курсии Маҷлиси намояндагон 288 номзад, ки аксари онҳо намояндаи яке аз 8 ҳизби сиёсӣ буданд, вориди рақобат шуд.

Бар асоси иттилои Комиссияи марказии интихобот ва раъйпурсии Тоҷикистон, аз 4 миллиону 319 ҳазору 395 нафари дорои ҳаққи раъй, 3 миллиону 791 ҳазору 827 танашон пойи сандуқҳо омадаву овоз додаанд, ки 87,8 дарсадро ташкил медиҳанд.

Натиҷаҳои аввалияи эълонкардаи ин ниҳод ба тарафдорӣ аз аҳзоби сиёсӣ чунин аст:

ҲХДТ - 2 миллиону 482 ҳазору 267 нафар ё 65,2 дарсади интихобкунандаҳо;
ҲНИТ - 58 ҳазору 28 ё 1,5 дарсад;
ҲКТ - 87 ҳазору 112 нафар ё 2,3 дарсад;
ҲАТ - 450 ҳазору 275 ё 11,8 дарсад;
ҲИИТ - 288 ҳазору 308 нафар ё 7,6 дарсад;
ҲДТ - 64 ҳазору 547 кас ё 1,7 дарсад;
ҲСД - 18 ҳазору 875 ё 0,5 дарсад;
ҲСТ - 210 ҳазору 328 нафар ё 5,5 дарсад.

Мӯҳр

Хабарҳои монанд:

Истиклол

ОФАРИН

Ҷавоб диҳед Иқтибос Шикоят

оооооооо

Аслан бовар надорам ин такалуби махз аст.дилам ба овози халкам мезузад инро хама медонад

Ҷавоб диҳед Иқтибос Шикоят

Усмон

Офарин ба ҲХДТ дига рохат шудед, як ракиби вокеъи дар парлумон доштед ва он ҲНИТ буд, ки нагузоштед биёяд, холо худатон конунхоро бе ракиб, ором ва бо осоиши комил кабул кунед имзо кунед. Кайф карда бгарден.

Ҷавоб диҳед Иқтибос Шикоят

Хусрав

Барои чи кам??? Агар ба интихобот нигох кунем баьзе шахрвандон хатто иштирок накарданду ба чонибдории ХХДТ овоз доданд, ман фикр мекардам, ки такрибан 65 нафар номзад аз ХХДТ бояд депутат мешуданд.
[

Ҷавоб диҳед Иқтибос Шикоят

Эзоҳ илова кунед