Бе шухӣ: Алоқаи мобилӣ дар Тоҷикистон қимат шуд
Ширкатҳои мобилии Тоҷикистон мегӯянд, бо назардошти он, ки аз имрӯз, 1-уми апрел, андози аксизӣ аз 3 ба 5 дарсад боло бардошта шудааст, нархи хизматрасониҳои ин ширкатҳо низ ба ҳисоби миёна 2 дарсад боло бурда мешавад.
Ин итилоъро ширкатҳои мобилии пешсафи кишвар, аз қабили Tcell, Beeline, Megafon-Точикистон таъйид карда, афзуданд, ки ин иқдом ба боло рафтани андози аксизӣ аз ширкатҳои мобилӣ рабт дорад. Аз ширкати “Вавилон мобайл” низ ба “Озодагон” иттилоъ доданд, ки бо назардошти боло рафтани андози аксизӣ то 11-уми апрел нархи хизматрасониҳои ширкат ба андозаи ду дарсад боло бардошта хоҳад шуд.
Аввали моҳи март Маҷлиси Миллӣ, палатаи болоии парлумони Тоҷикистон тағйиру иловаҳои нав ба Кодекси андози кишварро тасвиб намуд, ки тибқи он андози аксизӣ аз ширкатҳои мобилӣ аз 3% ба 5 % расонда шуд ва тағйирот аз аз имрӯз расман мавриди амал қарор гирифтаанд.
Ин дар ҳолест, ки тобистони соли 2014 Ассотсиатсияи операторони алоқаи мобилии Тоҷикистон бо ирсоли номае ба унвони раҳбарияти Вазорати молия ва иқтисоду Кумитаи андози кишвар аз гаронии андоз нигаронӣ карда буданд. Онҳо изҳор доштанд, ки “дар Тоҷикистон операторони мобилӣ аз 1 сомонӣ 32 дирам танҳо андоз месупоранд ва ба истиснои ин хароҷотҳои дигар низ мавҷуданд, аз ҷумла арзиши аслии маоши кормандон, хароҷот барои нигоҳдоштани шабакаҳои алоқа, комиссия барои пайваст намудани муштариён, қабули пардохтҳо ва ғайра. Яъне пардохтҳои умумӣ бештар аз онанд, ки операторон даромад ба даст меоранд. Чунин гаронии хароҷот садди роҳи инкишофи иқлими сармоягузорӣ ба иқтисодиёти Тоҷикистон гардида, иҷрои нишондиҳандаҳои ба нақшагирифтаи соҳаи алоқаи мобилиро дар рушди мамлакат ғайриимкон мегардонад”.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |