15 май 2015 12:25Тоҷикистон / Акс

Супориши Э.Раҳмон барои бо сифати баланд ба истифода додани роҳи оҳани Ваҳдат-Ёвон (АКС)

Эмомалӣ Раҳмон, раисиҷумҳури Тоҷикистон имрӯз, 15 май ба сохтмонӣ нақб дар масири роҳи оҳани Ваҳдат-Ёвон оғоз бахшида, бо сокинони ин ноҳия мулоқоту суҳбат намудааст.

Тибқи иттилои дафтари матбуотии раисиҷумҳур, дар сурати ба кор оғоз намудани қитъаи роҳи оҳани Ваҳдат-Ёвон, ки имрӯз бунёди нақбҳои он шурӯъ гардиданд, “барои корҳои бору мусофиркашонӣ аз марказ ба ҷануби мамлакат имконияти беҳтарин муҳайё гардида, масофаи роҳ хеле кӯтоҳ хоҳад шуд”.
Манбаъ мегӯяд, раисиҷумҳур гуфт, дар ҳолати оғози рафтуомади қатораҳои байнишаҳрии Душанбе – Ваҳдат – Қӯрғонтеппа – Кӯлоб робитаи ду минтақаи калони кишвар дар тамоми сол таъмин гардида, равуои сокинони мамлакат хеле осону бемамониат ва нархи роҳкирову интиқоли маҳсулот ба маротиб арзон мешавад: “Мувофиқи лоиҳа арзиши сохтмони хатти роҳи мазкур беш аз 800 миллион сомониро ташкил дода, 40,7 километрро дар бар мегирад. Барои сохтмони роҳ 3755 метр нақб, 8 пул ба дарозии умумии 764 метр ва даҳҳо иншооти дигар бунёд карда мешавад”.

Эмомалӣ Раҳмон таъкид намудааст, ки сохтмони қитъаи Ваҳдат - Ёвон дар масири роҳи оҳани Душанбе-Қӯрғонтеппа, ки бо дастгирии Ҳукумати Тоҷикистон моҳи марти соли 2009 оғоз ёфтааст, мувофиқи нақша бояд дар соли 2017 ба анҷом расонида шавад.

Дафтари матбуотии раисиҷумҳур мегӯяд, Эмомалӣ Раҳмон ба ҳукумати мамлакат, аз ҷумла Вазорати нақлиёт, Корхонаи воҳиди давлатии “Роҳи оҳани Тоҷикистон”, дигар вазорату идораҳо ва сохтору мақомоти дахлдор супориш дод, ки корҳои сохтмони роҳи оҳанро ҳарчи бештар суръат бахшида, дар муҳлати муқарраршуда онро бо сифати баланд ба истифода диҳанд.

Ба иттилои манбаъ, Эмомалӣ Раҳмон дар доираи ин сафар аз деҳаи Истиқболи ҷамоати деҳоти Султонободи Рӯдакӣ дидан намудааст. Дафтари матбуотии раисиҷумҳури кишвар мегӯяд, аз оғози татбиқи ин лоиҳа, ки ба соли 2009 рост омада буд, то охири моҳи апрели соли равон 303 миллион сомонӣ аз худ карда шудааст ва дар ин муддат 12 километр роҳ пурра бунёд ёфта, дар масофаи қариб 30 километри дигар корҳои заминӣ барои оғози насби релсҳо ба поён расонда шудаанд.

Эмомалӣ Раҳмон дар даромадгоҳи шимолии нақби аз ҳама дарози ин қитъаи роҳ, ки масофааш қариб 3 километр хоҳад буд, бо гузоштани санги асос ва нома ба наслҳои оянда ба бунёди он оғози расмӣ бахшидааст. Манбаъ меафзояд, раисиҷумҳури кишвар бо роҳбарияти соҳа, бинокорони роҳи оҳан ва намояндагони мардуми деҳоти атроф мулоқот намуда, таъкид доштааст, ки ин роҳи оҳан бояд бо сифати баланди сатҳи ҷаҳонӣ сохта шавад, зеро оянда он бо шабакаҳои минтақавии байналмилалии роҳҳои оҳан пайваст шуда, аз ҷумла робитаи мустақими Тоҷикистонро бо Қирғизистону Чин ва Афғонистону Туркманистон ва Эрону дигар кишварҳои Осиёи Ҷанубӣ таъмин хоҳад кард.

Аксҳо аз торнамои расмии Президенти Тоҷикистон

Мӯҳр

Хабарҳои монанд:

Равшан Шурообод

Хазор рахмат барои буньёдкори ва пеш аз хама барои сулху вахдати точикон хамеша сарбаланд бошед хохони тани сихат ва саломатии бардавомро орзумандем, наслхои оянда ва таърихи башарияти Точик чунин шахсиятро ёд намедихад.Бори дигар минатдории хешро хамчун як шахрванди Чумхурии Точикистон баён менамоям.

Хохони сарбаланди ва ифтихори Миллат хастед бигузор хамеша чехраатон хамин хел шод ва суханатон хамчун тег бошад.

Хасудхурон бигузор барои ин пешравихо хасуд бихуранд. Зеро он шахсоне, ки хамеша бахили ва хасуд мехуранд дар чомеъа не балки дар назди зану фарзандаш обрую эътибор надорад. Аз кучо халк онхоро хурмату эхтиром кунанд! вакте гапаш дар наскияш намегузарад боз шарм накарда даъвои давлатдори ва сиёсат мекунанд.

Ҷавоб диҳед Иқтибос Шикоят

Эзоҳ илова кунед