06 июн 2015 08:13Тоҷикистон / Иҷтимоӣ / Тема дня

Боздошти омӯзгори колеҷи тиббӣ бо иттиҳоми гирифтани $2000 пора

Раёсати умури дохилӣ дар вилояти Суғд аз боздошти омӯзгори яке аз коллеҷҳои тиббии шимоли кишвар бо иттиҳоми гирифтани пора хабар дод.

Муҳсинҷон Юсуфов, корманди дафтари матбуоти Раёсати корҳои дохилии Суғд ба ozodagon.tj гуфт, ин омӯзгор рӯзи 3 июни соли равон бо роҳи фиреб ба боварии як довталаб даромада, барои дохил намудан ба факултаи дорусозии коллеҷ аз ӯ 2000 доллар гирифтааст: “Омӯзгор аз тарафи кормандони пулиси шаҳри Хуҷанд дастгир шуда, 20 адад маблағи пулии 100 долларӣ ҳамчун далели шайъӣ аз ӯ гирифта шуд”.

Ҷаноби Юсуфов афзуд, аз рӯйи ин далел тибқи моддаи 247, қисми 3-и Кодекси ҷиноӣ парванда боз гардида, тафтишот идома дорад.

Ин дар ҳолест, ки рӯзи гузашта Раёсати корҳои дохилии Суғд аз боздошти омӯзгори яке аз макотиби ронандагии ноҳияи Ҷаббор Расулов бо иттиҳоми қаллобӣ иттилоъ дода буд. Ин ниҳод гуфт, ҳангоми гузаронидани чораҳои фаврӣ-ҷустуҷӣ кормандони милиса муайян намудаанд, ки шаҳрванд Ҳ.А.-и 57-сола, бошандаи ҷамоати деҳоти Ғӯлакандоз, омӯзгори яке аз макотиби ронандагии ҳамин ноҳия 3 июни соли ҷорӣ бо роҳи фиреб ба боварии шаҳрванд Қ.Ҷ., соли таваллудаш 1986, сокини маҳаллаи Ғӯлакандоз даромада, бо баҳонаи дар оянда сохта додани шаҳодатномаи ронандагии Ҷумҳурии Қирғизистон аз ӯ 1000 доллар гирифта, ба эҳтиёҷоти худ сарф намудааст.

Мӯҳр

Хабарҳои монанд:

киём зайнал

Кори хуб каданд,ки як душмани пешрафти рохи илму маориф,тиббро ки мушкилкушои хамаи мушкилот аст боздошт намудаанд Худи Вазири корхои дохила тачрибаи бой мубориза бар зидди хукуквайронкунихои мансаби - коррупсиони дорад Бояд интизори Агентии мубориза бо коррупсия нашуда дар ин самт кувва, тачриба ва имкониятхои ВКД истифода намояд. Ногуфта намонад, ки тамоми чиноятхои иктисоди , ки характери коррупсиони надорад ошкор ва пешбурди кори чиноятии онхо тибки конунгузор ба салохияти ВКД вогузор карда шудааст. Аз чи бошад, ки дар ошкори ин гуна чиноятхо ВКД пассив буда. масъулияти худро ба зиммаи Агентии мубориза бо коррупсия партофтааст.

Ҷавоб диҳед Иқтибос Шикоят

Беном

Колечи тибби шахри Истаравшанро низ тафтиш мекардан .
Хама бесаводо мехонан, муаллимхо мисли куча ё бозор пораро натарсида мегиранд . Конунро поймол мекунан , баъд одамхо аз дасти ин тавр кадрхои нодон мурда мераванд .директор ва чонишинашон хонахои даб дабанок доранд , бени мегуи ин хонаи ягон вазир бошад .

Ҷавоб диҳед Иқтибос Шикоят

Эзоҳ илова кунед