Русский  >>  فارسی  >>  Панҷшанбе 25 май 2017, 21:21

Қатли Ниёзалӣ Нуралиев-давоми куштори тоҷирони тоҷик дар Забайкал

18 июн 2015, 11:10

Ниёзалӣ Нуралиев, шаҳрванди 44-солаи Тоҷикистон, соҳиби қаҳвахонаи "Сытый папа" дар Чита ба қатл расонда шудааст.

Тавре мақомоти Русия иттилоъ додаанд, ҷасади Нуралиев 15-уми июн, аз ҷангалзори назди Чита дарёфт гардида, ӯ аз зарби 4 тир дар қисмати сару сина ҷон додааст: “Аз назди ҷасад силоҳи куштор ва дар наздикиҳои ҷои куштор мошини Нуралиев ёфт шудааст. Ӯ дар Ватан ҳамсар ва ду фарзанд доштааст”.

Мақомоти Русия мегӯянд, феълан барои куштор ва нигоҳдории ғайриқонунии силоҳ парвандаи ҷиноӣ оғоз гардида, тафтишот идома дорад.

Расонаҳои Русия мегӯянд, ин аввалин куштори тоҷирони тоҷик дар минтақаи Забайкал набуда, инчунин хотиррасон кардаанд, ки 10-уми июн тоҷири дигари тоҷикистонӣ, Хуршед Ибодови 37-сола бедарак шудаааст. Ибодов, ки ба сохтмони хонаҳо барои зарардидагон аз сӯхтор машғул будааст, шаби 10-уми июн дар роҳи бозгашт ба хона нопадид шудааст: “Ӯ зани рус дошта, соҳиби чор фарзанд-се духтар ва як писар мебошад”.

Инчунин қатли Мирраҳим Раҳимов зикр шудааст, ки 2-юми январи соли гузашта дар фурӯшгоҳи меваҷоташ паронда шуду омилони он то ҳол ёфт нашудаанд. Аз ин пештар ду бародари дигари тоҷик дар ин минтақа аз ҷониби як сокини маҳаллӣ бо норинҷак тарконда шудаанд.


Шарҳи худро бинависед:

Ном:*
E-Mail:
Матни шарҳ:
Посух додан
  • рекет

  • 18 июн 2015 17:24
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ин рекет аст. яъне имруз дар давлати россия барои ривочи гуруххои муташакили чинои шароит мухае шудааст ки ин гуруххо дер е зуд дар точикистон ячейкахои худро ташкил медиханд

Матолиби ҳамсон:

Бойгонӣ

«    Май 2017    »
ДушСешЧорПанҶумШанЯкш
1234567
891011121314
15161718192021
22232425262728
293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!