Пирзода гуфт, Кобулу Теҳрон уҳдадорӣ барои таъсиси телевизиони муштаракро иҷро накардаанд
Маҳмадсаид Пирзода, раиси Кумитаи телевизион ва радиои Тоҷикистон мегӯяд, кишвари мо тамоми уҳдадориҳо барои таъсиси телевизиони муштараки форсизабонҳоро анҷом додааст, аммо ҷониби Афғонистон ва Эрон хомӯшанд.
Раиси Кумитаи телевизион ва радио дар нишасти хабарии ин ниҳод дирӯз, 10 июл изҳор дошт, тибқи қарордод ҷиҳати таъсиси телевизиони форсизабонон, Тоҷикистон барои ҷудо кардани бино ва фароҳам овардани шароит барои роҳандозии ин шабака уҳдадор шуда буд ва онро иҷро кард: “Намедонам бо кадом сабаб бошад, ки кишварҳои шарик он уҳдадорие, ки ҳаст иҷро накарданд ва фақат ба ҳамин хотир телевизион имрӯз роҳандозӣ карда нашудааст”.
Тарҳи телевизиони муштараки форсизабонон, ки дар соли 2006 аз сӯи Маҳмуди Аҳмадинажод, раисҷумҳури вақти Эрон матраҳ ва мавриди пазириши раисони ҷумҳури Тоҷикистону Афғонистон -- Эмомалӣ Раҳмон ва Ҳомид Карзай қарор гирифт, бо гузашти қариб 9 сол амалӣ нашудааст.
Ҷаноби Пирзода инчунин гуфт, то охири соли ҷорӣ дар кишвар як телевизиони варзишӣ фаъол хоҳад шуд. Ба гуфти раиси Кумитаи телевизион ва радио, ин шабака бо сарпарастии Ҳукумати Тоҷикистон ва Кумитаи телевизион ва радио роҳандозӣ шуда, дар тарғиби ҳаёти солим дар ҷомеа нақши бориз хоҳад дошт.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |