Тағйирот дар ВАО-и давлатӣ: Аз мансаби Исмоилзода то 2 телевизиони нав
Исмоилзода Зиннатуллоҳ Бурҳон, раиси телевизиони Симои мустақили Тоҷикистон ва собиқ раҳбари Шӯрои ВАО, имрӯз, 24 ноябр бо дастури Эмомалӣ Раҳмон, раисиҷумҳури Тоҷикистон, директори муассисаи давлатии “Академияи васоити ахбори умум” таъин гардид.
Тибқи иттилои дафтари матбуотии раисиҷумҳури Тоҷикистон, Академияи васоити ахбори умум моҳҳои наздик ба кор оғоз намуда, дар таълиму тарбия ва бозомӯзии кормандони ин соҳа саҳмгузор хоҳад шуд. Манбаъ мегӯяд, бозомӯзии кормандон дар Академияи васоити ахбори умум, асосан аз рӯи ихтисосҳое ба роҳ монда мешавад, ки то имрӯз дар хориҷи кишвар омӯзонда мешуданд.
Дар баробари ин манбаъ афзуд, ки аз соли 2016 дар фазои иттилоотии Тоҷикистон ду шабакаи нави телевизионӣ-“ТВ-Варзиш” ва “ТВ-Синамо” ба фаъолият шуруъ хоҳанд кард: “Файзуллозода Хуршед Мирзо - директори муассисаи давлатии “ТВ-Варзиш” ва Набизода Набӣ, директори муассисаи давлатии “ТВ-Синамо” таъин гардид”.
Раисиҷумҳур инчунин Одиназода Шоҳона Сулаймонро - сармуҳаррири маҷаллаи “Бонувони Тоҷикистон” таъин карда, ба курсии директори муассисаи давлатии “Театри давлатии академии опера ва балети ба номи С. Айнӣ Шарифзода Манучеҳр Муртазоро шинондааст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |