Русский  >>  فارسی  >>  Панҷшанбе 21 феврал 2019, 04:32

Салимбойро нагузоштанд, ки масҷид созад

27 январ 2016, 16:07

Ба "чеҳраи ҷиноии" Узбакистон Салимбой Абдувалиев иҷозат надоданд, ки масҷиди "Ҷӯрабек"-ро бозсозӣ кунад.

Дар бораи бозсозии масҷиди "Ҷӯрабек"-и шаҳри Тошканд, ки баҳори соли гузашта сӯхта буд, сомонаи хабарии uzmetronom.com иттилоъ дод. Масҷидро соҳибкор ва ҳаводори илму адаби узбак Салимбой Абдувалиев мехост аз ҷайби худаш бозсозӣ кунад. "Тибқи тарҳи нав, масҷид аз бинои қаблиаш бузургтар ва тақрибан мисли масҷиди "Манор", ки сохтмонашро президенти Ӯзбекистон Ислом Каримов бар дӯш дошт, хоҳад шуд", - навиштааст сомонаи uzmetronom.com. Барои амалӣ кардани тарҳи сохтмони масҷид Абдувалиев се манзили ҳамшафати масҷидро бо қиммати 150 ҳазор долларӣ харидорӣ кардааст.

Баъди нашри ин хабар дар сомона, маълум шудааст, ки корҳои сохтмонӣ ҳанӯз оғоз наёфтаанд ва зербинои масҷид ба хок яксон шудааст. Салимбой Абдувалиев барои дарёфти иҷозаи сохтмон се маротиба ба ҳукумат муроҷиат кардааст. Аммо то кунун посухи мусбат нагирифтааст.

Кумитаи кор бо дини назди девони вазирони Узбакистон хабар медиҳад, масҷид дар моҳҳои оянда бозсозӣ хоҳад шуд, аммо кумита дақиқ нагуфтааст, ки ин масҷид аз кадом ҳисоб бозсозӣ мешавад.


Шарҳи худро бинависед:

Ном:*
E-Mail:
Матни шарҳ:
Посух додан
  • SAMARKANDI _KANDMAND

  • 31 январ 2016 11:24
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин хамон, Салимбойбача хаст? Ба ман нависед. Ягон майда ба узбакхо монанд нест.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!