Русский  >>  فارسی  >>  Ҷумъа 23 феврал 2018, 15:42

Баҳси “гуштӣ” ва “куштӣ” дар “Озодагон” ва шарҳи забоншинос

12 феврал 2016, 09:16

Як хабар дар “Озодагон”, ки онҷо вожаи куштӣ (ба ҷойи гуштӣ) истифода шуд, баҳси гармеро миёни корбарон барангехт.

Нахустин шуда, корбаре бо номи "Тоҷик" пурсид, ки “мусобиқаи КУШТӢ чӣ маъно дорад, Озодагон?”. “Меҳмон” бо киноя ба ӯ посух дода: “Куштӣ” ин калимаи тоҷикони нав! Гуштингирӣ куҳнаю нофаҳмо шудааст. Футболро ба қарибӣ потуб менависанд. Хоккейро яхмос”. Аммо корбари дигар гуфтааст, "барои фаҳмидани маънии куштӣ калимаву китобҳои арабиро камтар ва бештар “Шоҳнома” хондан даркор... Асли куштӣ маҷозан куштани ҳариф аст, аммо имрӯз муллочопо бомбара дар мобайни чатануш баста, кафонда куштан мефаҳманд. Ҳамин нафаҳмидани шумо буд, ки ҳамин куштии паҳлавонии тоҷикиамон низ аз даст рафт ва дар сатҳи ҷаҳонӣ бо номи муғулие аз ҷониби қавми чингизие муаррифӣ мешавад”. “Нурӣ”, хонандаи дигар менависад, ки куштӣ ва гуштӣ як маъно доранд: “Куштӣ камарбанд (пояс)-еро гӯянд ки дар миён баста мешавад вақти қувваозмоӣ”.

Дар пайи ин баҳсҳо мо аз донишманди тавонои тоҷик Умед Ҷайҳонӣ хоҳиш кардем, барои корбарони хабаргузорӣ маънии вожаҳои “куштӣ” ва “гуштӣ”-ро шарҳ бидиҳад. Инак посухи ӯ:

“Куштӣ” дар забони порсии миёна камарбандро мегуфтанд. Аз онҷое ки дар ин зӯрозмоӣ паҳлавонон камарбанди якдигарро мегиранду мекӯшанд якдигарро бар замин зананд, ин варзишро “куштӣ” меноманд. Ин вожаву варзиш дар “Шоҳнома” фаровон ёд шудаанд. Чунончи:
Ба куштиву нахчиру омоҷу гӯй,
Диловар шавад марди пархошҷӯй.

Вале “гуштӣ” ва “гуштигирӣ” ғалат ҳастанд. “Гӯштӣ” хӯрокеро гӯянд ки аз гӯшт пазанд. “Гӯштин” касест ки фарбеҳ бошад. Ин варзиш “куштӣ” ном дорад ва варзишгаронашро ҳам “куштигир” меноманд”.


Шарҳи худро бинависед:

Ном:*
E-Mail:
Матни шарҳ:
Посух додан
  • хуршед

  • 12 феврал 2016 11:20
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Заб кор кардед Озодагон! Қаҳрамонӣ! Гӯё сайёраи нав кашф кардед. Гӯштин калимаи хеле фаҳмо ва форам.
Посух додан
  • к

  • 12 феврал 2016 12:17
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мардумро гаранг накунед бо Шохномаатон. Як умр мардум гушти мегуфтанд. Боз дар Шохнома Фирдавси филро "пил" гуфтааст. Мо хам бояд акнун "пил" гуем?
Посух додан
  • Dev

  • 12 феврал 2016 14:13
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
хуршед,
Az hamon "hele fahmovu foram"gueton ,zaboni adabiro "noforam" karded.Holo biser chizho "hele fahmovu foram" ast, vale zaboni adabiro boyad donem , digar roh nest!
Посух додан
  • ooo

  • 12 феврал 2016 19:43
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дар япония тавалуд мешад фикри технологияра мекнад мо хозирам бахси калима
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Гапи Чайхони мисли номащ нодуруст аст. Гуштингири ё гуштин вожаи точикист ва он дар истифода аст. кушти мара кушти э духтари аргушти. дигар моли торих аст.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!