Русский  >>  فارسی  >>  Шанбе 24 июн 2017, 22:28

Сокинони ВМКБ Киркоровро дар “дуздӣ”-и ҷӯробҳои помирӣ айбдор мекунанд (ВИДЕО)

4 январ 2017, 17:25

Гуруҳи сокинони Вилояти Мухтори Куҳистони Бадахшон Филип Киркоров, овозхони маъруфи ИДМ-ро дар дуруғгӯӣ ва “дуздӣ”-и ҷӯробҳои помирӣ муттаҳам мекунанд.

Киркоров, ки қаблан дар дуздии оҳангу сурудҳо муттаҳам мешуд, ахиран ҷӯробҳои помириро дастбофти холааш муаррифӣ карда, норозигии бархе аз тоҷиконро дар интернет ба вуҷуд овардааст.

Киркоров дар барномаи солинавии Максим Максим, ки 2-юми январ тариқи шабакаи аввали телевизиони Русия пахш гардид, ба барандаи барнома Максим Галкин ҷӯробҳои помириро туҳфа карда, шарҳ дод, ки “ин ҷӯробҳои хубро холаи ман, Марӣ махсус барои Максим Галкин бофт, ки касал нашавӣ. Ҳозир, ки ман бо шумо дар ин ҷоям холаи Марӣ бо фарзандонам машғул аст”.

Максим Галкин дарҳол ҷӯробро пӯшида, изҳор дошт, ки ман аз Якубович чӣ камӣ дорам. Алла Пугачёва, примадонаи рус, ҳамсари собиқи Киркоров низ, ки дар барнома иштирок дошт, дар пайравӣ ба ҳамсари феълияш Максим Галкин ҷӯроби помириро пӯшид. Пугачёва ва Максим Галкин бо намоиши ҷӯробҳои помирӣ онҳоро тавсиф намуданд.

Сокинони ВМКБ Киркоровро дар “дуздӣ”-и ҷӯробҳои помирӣ айбдор мекунанд (ВИДЕО)Олег Фейзов, оҳангсозу овозхони маъруфи тоҷик бо нашри қисмати навори барнома аз Киркоров интиқод намудааст, ки дар пайи дуздии оҳангу сурудҳо акнун ба ҷӯробҳо гузаштааст. Бисёри зодагони Бадахшон дар интернет бо зикри бофти нодири помирии ин ҷӯробҳо аз он изҳори норозигӣ кардаанд, ки Киркоров асли ҷӯробҳоро зикр накарда, онҳоро ҳамчун маҳсули кори холаи Марияш муаррифӣ кардааст. Бархе ба ҳимояти Киркоров баромада изҳор доштаанд, ки шояд холаи Марӣ, номи кӯтоҳшудаи ягон зани тоҷике бошад, ки ба тарбияи фарзандони Киркоров машғул аст.

Даъвогарон муътақиданд, бофти ҷӯробҳое, ки Киркоров дар барнома туҳфа кард, нодир буда, дар ҷаҳон танҳо занони Бадахшон метавонанд бо ин шева ва шакл ҷӯроб бофанд.



Видеои тақдими ҷӯробҳои помирӣ ба Галкину Пугачёва аз сӯи Киркоров


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Шавхари холаи Киркоров аз ВМКБ мебошад.
Посух додан
  • бе миллат

  • 5 январ 2017 10:50
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Точир,
Хато карди Холаш пеш точик буд баъд помири шидак хозир болгар шидаги.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хафа нашавед, номи аслиаш Киркоршоев Филипназар аст. Холааш Марямбону аст, ки кутох Мариаш мехонанд. Шавхари бибиаш, аниктараш, махбубаш Назаршон ном дошта, духтарашон Марям аст. Болгар не, аз Рушон аст падараш, модараш аз Мургоб.
Посух додан
  • Tojik

  • 5 январ 2017 15:51
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Киркоршоев Филназар дар руссия не дар бозори Мургоб болгари мефурухт аз хамин номхо у истифода бурда ба худ кредо гирифт.
Посух додан
  • PT

  • 6 январ 2017 01:19
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дигар чизи дигарро наёфед барои бахс ????
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
АЛБАТ ХОЛААШ ПОМИРИ АСТ

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!