Бозандаи нақши “Ҷамшуд”-ро дигар ба Украина роҳ намедиҳанд?
Валерий Магдяш, ҳунарманди молдовитабори Русия, бо нақши “Ҷамшуд” аз барномаи “Наша Раша” маъруф аст, эҳтимол ба феҳрасти таҳримотии мақомоти амниятии Украина шомил гардад.
Торнамои “Реал” менависад, ҳузури Магдяш дар шаҳри Луганск метавонад сабаби ин иқдом гардад. Ахиран, журналист Константин Долгов, ки аз Владимир Путин ҳимоят мекунад, дар шабакаҳои иҷтимои аксеро нашр кард, ки дар он Магдяш бо Верешагин аз бошгоҳи мотосиклронҳои ҷонибдорони Путин зери арчаи солинавӣ дар Луганск дида мешуданд. Долгов зери ин акс навиштааст, ки Магдяш барои зери арчаи раҳбари Ҷумҳурии мардумии Луганск Игор Плотнитский гузарондани вақти худ аз таҳримҳо наҳаросид.
Валерий Магдяши 66-сола дар Молдов тавалуд шуда, аз соли 1975 дар Маскав зиндагӣ мекунад. Ӯ дар даҳҳо филм бозӣ кардааст, аммо баъди нақши “Ҷамшуд” маъруф шуд. Ин барномаи ҳаҷвӣ миёни зодагони Осиёи Миёна, ба вижа Тоҷикистон вокунишҳои зиёде дошт ва аксари одамон онро таҳқири миллат маънидод карданд.
Баъди танишҳои Маскаву Киев ва ба Русия пайвастани Қриму эълони ду ҷумҳурии худхонд (Луганску Донеск) Хадамоти амниятии Украина вуруди даҳҳо намояндаи шоу бизнеси Русияро, ки аз мавқеи Путин ҳимоят мекунанд, ба қаламраваш мамнӯъ кард.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |