13 янв 2017 14:19Тоҷикистон / Сиёсат / Тема дня

Парлумон аз Ғанӣ хост, хешашро барои таҳқири тоҷикон бозхонд кунад

Парлумони Афғонистон аз раисиҷумҳур Ашраф Ғанӣ хостааст, хешаш Абдулқаюми Кучайро барои таҳқири тоҷикон аз мақоми сафирӣ дар Маскав бозхонд кунад.

Аҳмадшоҳ Рамазон, узви парлумони Афғонистон гуфтааст, парлумон бо ирсоли номаи расмӣ аз Ғанӣ бозхонди Кучайро аз мақоми сафирӣ дар Русия талаб кардааст: “Тоҷикистону Русия аз ҷумлаи наздиктарин кишварҳо барои Афғонистонанд. Кӯчай Тоҷикистонро таҳқир кард. Аммо ин назари ӯ ба мавқеъгирии давлат ва мардуми Афғонистон мувофиқат намекунад. Ман бо Салоҳиддин Раббонӣ, вазири умури хориҷӣ ва Абдулло Абдулло, раисиҷумҳури иҷроияи Афғонистон дар ин маврид суҳбат доштам. Онҳо зидди чунин изҳоротанд ва онро маҳкум мекунанд. Гуфтанд, ки дар назди Президент оид ба ин мавзуъ суҳбат кардаанд”.

Ба гуфтаи вакилони афғон Кучай на танҳо давлату мардуми Тоҷикистон балки Русияро низ таҳқир кардааст.

Замин Кобулов, фиристодаи Владимир Путин дар умури Афғонистон низ изҳороти Кучайро ғайри қобил қабул ва беасос хондааст: “Ин изҳороти аблаҳонаи бедалел дар ҳаққи давлати Тоҷикистон, иттифоқчии стратегии Русия мебошад. Ман бо Кӯчай, ки эътимодномаи сафирӣ гирифтаасту рӯзҳои наздик бояд онро ба Владимир Путин супорад, 13-уми январ мулоқот дорам ва хоҳам гуфт, дар изҳороташ аз интизом кор бигирад”.

Кӯчай охири моҳи декабр дар суҳбат бо видеоблоги афғонӣ гуфт, пушти интиқоли маводи мухаддири Афғонистон русҳо ва мафияи Тоҷикистон меистад. Ӯ дар мавриди тоҷику Тоҷикистон афзудааст, ки “Тоҷикистон як кишвари бисёр кӯчак аст, ҳатто панҷ миллион аҳолӣ надорад ва як миллиони он ҳам рус аст. Фарҳанг ва забони расмиашон русӣ аст. Ҳақ надоранд, забони худро бинависанд ва ҳатто алифбои дариро тағйир додаанд. Мафия дар ин кишвар бисёр фаъол аст”.

Мақомоти умури хориҷии Тоҷикистон ахиран таъкид намуданд, ки чунин изҳороти кӯтоҳбинонаи баъзе аз намояндагони Афғонистон, ки аз надоштани саводи кофӣ сар мезанад, боиси таассуф буда, садди роҳи корҳои созанда ва дар амал татбиқ намудани мувофиқаҳои қаблии ҳосилшуда гардида, ҳамчунин муносиботи дуҷонибаро, ки дар асоси муқаррароти дӯстӣ ва ҳамҷавории нек ба бор омадаанд, халалдор мекунанд.

Мӯҳр

Хабарҳои монанд:

Nabi farhor

Абдулқаюм Кӯчаи бо ин рафтор шумо тарақиёт нахоҳед кард.Барои он, ки шумо бисёр миллат чи ҳастед.Агар шумо Кӯчи одоби суханро медонистед, дар ҳақи дигар миллатҳо тӯҳмат намекардед.
Ту дигар давлатҳоро намедони,харита ро низ намедони
Аз ту дида донишҷӯёни тоҷик бо савод тар ҳастанд.Шумо ай куҷо медонед миллати тоҷик 5млн аҳоли дорад, хатто мекуни.
Боқи Худо туро саришта кунад.

Ҷавоб диҳед Иқтибос Шикоят

Садриддин

Аз сафире, ки ба чои калла- салла бардошта гаштаст чаро хафа мешавед, мухтарам Порлумончиён..........

Ҷавоб диҳед Иқтибос Шикоят

Ислом

Ин Кучи худаш ранги, чупонхои киргиз аст, ки ира сафир мондаст. Ранг бину хол пурс.
Nabi farhor,

Ҷавоб диҳед Иқтибос Шикоят

Аброр

Абдулқаюми Кучай бояд пеш аз гуфтани ин суханон андешае мекард, ки мардуми гурезаи афғон аксарияташон паноҳандагии тоҷикистонро доранд. Шароите, ки афғонҳои муҳоҷир дар Тоҷикистон доранд ҳатто дар мамлакатҳои абарқудрати ЕС надоранд.

Ҷавоб диҳед Иқтибос Шикоят

Саид

Ислом,
Бародар хавай тахкир кардааст бас нест ?
Худи шумохам бо тахкир гап зада истодаедку ,вайку точикро тахкир кардааст ,лекин шумо ду миллатро хам афгону хам киргизро шарм кунед ."курии худу бинои мардум"
Канд занад бо либоси миллияш намояндаги мекунад ,аз суханонаш каме буи хакикатхам меояд . Дар мо (мафия) бо дарачаи аъло расидааст.

Ҷавоб диҳед Иқтибос Шикоят

Амри

Офарин ба парлумони Афгонистон ки Кучайро ба чояш мешинонад вале чаро парламенти Точикистон аз президент талаб намекунанд ки фуруши баркро ба Афгонистон кать карда ба мардуми точик дихед то ки аз захри ангишт хамасола чон ба чаббор насупоранд.

Ҷавоб диҳед Иқтибос Шикоят

Эзоҳ илова кунед