19 янв 2017 09:15Тоҷикистон / Иқтисодӣ

Нигаронии кишоварзон аз ҳашарот ва ваъдаи вазир

Вазири кишоварзии Тоҷикистон мегӯяд, соли 2016 помидори истеҳсолшуда беш аз талаботи сокинон будааст. Аммо кишоварзон иддао доранд, ҳосили хубе нагирифтаанд.

Иззатулло Сатторӣ, вазири кишоварзӣ 18 январ дар нишасти матбуотие дар Душанбе гуфт, соли 2016 дар қаламрави ҷумҳурӣ беш аз 300 ҳазор тонна помидор истеҳсол шуд. Ба гуфтаи ӯ, бо дарназардошти ин ки талаботи як нафар солона 20 кило помидорро ташкил медиҳад, ин рақам бештар аз талаботи мавҷуда мебошад.

Дар ҳамин ҳол, ӯ дар посух ба суоли хабарнигорон вобаста ба шикояти кишоварзон дар мавриди пайдо шудани ҳашароте, ки ба помидор зиён мерасонад, гуфт, имсол чунин мушкил пеш намеояд. Ба қавли вазир, чун зимистони 2015-2016 хеле гарм омад аксар ҳашароту кирмҳо нест нашуда, ба ниҳолҳо дар баҳор таъсир расониданд: “Имсол зимистон хуб омада истодааст ва ҳамчунин мо доруҳои зидди ҳашаротро омода кардем”.

Ин дар ҳолест, ки ду соли ахир кишоварзон аз пайдо шудани кирмҳое, ки ба помидор зарар мерасонанд, шикоят мекунанд. Акобир, як сокини ноҳияи Файзобод мегӯяд, бар асари пайдо шудани кирм деҳқонон зиён диданд: “Чанд намуд кирм пайдо шудааст, ки помидорро мисли ғалбер сурох мекунанд. Бо нархҳои гарон 7-8 намуд доруҳоро харидем, аммо фоида накард. Мо аслан аз рӯи фурӯши ҳамин маҳсулот зиндагиро пеш мебурдем, аммо имсол баръакс зарар дидем”.

Кишоварзон мегӯянд, бар асари ин мушкил натавонистанд маҳсулоти зарурии босифатро ба бозор бароранд ва ин ба боло рафтани нархи помидор сабаб шуд. Аммо вазири кишоварзӣ мегӯяд, ҳоло арзиши помидор дар бозори истеъмолӣ нисбат ба соли қаблӣ хело арзон мебошад.

Мӯҳр

Хабарҳои монанд:

Хоча

Дехконони мухтарам худо гуед ки хар сол зимистон сардтар биёяд, зеро ба гуфтаи вазир дар сарди хашаротхо мемиранд. Агар худо накунаду дуояшон мустачоб шавад аз сарди худи дехконон мемиранд. Вассалом проблема халллллллллл..........

Ҷавоб диҳед Иқтибос Шикоят

хакикатгуй

мухтарам вазир барои чй дуруги махз мегуед нисбати истехсоли помидор, мебахшед Рохбар Костим хам нисбати истехсоли картошка як бор гуфта буд ва ин дуруг ......, холо помидори покистону узбекистон набошад нархи он ба 30 сомон мерасад, агар аз талабот зиед истехсол карда бошед бигуед чй кадар содирот намудед, малумоти омориатон дуруг аст ин холат дар истехсоли пахта хам буд кй 2-3 сол пештар зиеда аз 100 хазор тн изофа нависй муайян гуда буд брз хамин ракамхо ба заминхои наздихавлигй аст гуед.

Ҷавоб диҳед Иқтибос Шикоят

Анис

ман нафахмидам ин вазир мегуяд хосили помидор аз накша зиёд истехсол шуд дехконон мегуянд зарар дидем мухтарам хабарнигор ба кадом чавоби инхо бовар кунам ё ин ки мутолиа накунам бехтар аст чи?

Ҷавоб диҳед Иқтибос Шикоят

Эзоҳ илова кунед