Русский  >>  فارسی  >>  Ҷумъа 18 август 2017, 21:30

Президент “аз салоҳиятҳояш” истифода кард: Конститутсия бе назарпурсӣ ислоҳ мешавад

2 март 2017, 20:23

Нурсултон Назарбоев, раисҷумҳури Қазоқистон эълон кард, барои ворид кардани тағйир ба Конститутсия назарпурсӣ доир намешавад.

Ба гуфтаи ӯ, тағйиротро ба қонунгузорӣ порлумон ворид мекунад. “Дар Конститутсияи мо зикр шудааст, ки мо метавонем илова ва тағйиротро ба Қонуни асосӣ ҳам бо роҳи назарпурсӣ ва ҳам аз тариқи порлумон ворид кунем. Инро президент ҳал мекунад. Аз ҳамин хотир ман аз салоҳиятҳои конститутсионии худ истифода бурдам. Мо ният надорем ба бахши сиёсии ҳокимият тағйироти куллӣ ворид кунем. Бо назардошти зарурӣ ва муҳим будани тасмими мазкур барои кишвар ва мардум, ман қарор кардам, ки порлумон ба Конститутсия тағйирот ворид кунад”, - афзудааст Назарбоев.

Ба қавли президенти Қазоқистон, ба 23 моддаи Конститутсияи ин кишвар тағйирот ворид мешавад. Назарбоев мегӯяд, натиҷаи иловаҳо ва тағйирот ин мешавад, ки "қисме аз салоҳиятҳои президент ба шохаҳои дигари ҳокимият тақсим мегардад". “Шумо медонед, ки дар дигар кишварҳо назарпурсиҳо барои бештар кардани салоҳиятҳои роҳбари давлат анҷом мешавад. Дар кишвари мо баръакс аст. Зеро дар давоми 25 сол шакли президентии идораи давлат вазифа ва ҳадафҳояшро ба иҷро расонид”, - таъкид намудааст Нурсултон Назарбоев.



Шарҳи худро бинависед:

Ном:*
E-Mail:
Матни шарҳ:
Посух додан
  • temur

  • 7 март 2017 01:49
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
мероси совети дарди сари хама шуда - то намурад аз кресло намеравад

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!