Русский  >>  فارسی  >>  Душанбе 1 май 2017, 09:24

Пешниҳоди маҳрумият аз шаҳрвандии Қазоқистон барои “барангехтани адоват”

29 март 2017, 10:56

Таъийни ҷазо бар асоси моддаи 174-и Кодекси ҷиноии Қазоқистон “Барангехтани адовати иҷтимоӣ, миллӣ, нажодӣ, диниву мазҳабӣ” мумкин аст, маҳрумият аз шаҳрвандии ин кишварро низ дар бар гирад. Дар ин бора Вазорати адлияи Қазоқистон хабар медиҳад. Пешниҳоди мазкур ва чанд иловаи дигар дар лоиҳаи қонун дар бораи тағйиру иловаҳо ба чанд санади ҳуқуқӣ шомил шудааст.

Дар ҳоли ҳозир тибқи ин модда ҷазо дар намуди зиндон аз 5 то 10 сол таъйин шудааст. Феълан, бар асоси қонунгузории Қазоқистон, барои ширкат дар ҷангҳои мусаллаҳона мумкин аст шаҳрвандии ин кишварро аз даст дод.

Вазорати адлияи Қазоқистон пешниҳод дорад, ки барои "анҷоми амали террористӣ ва содир кардани ҷинояти сангин зидди манфиатҳои Қазоқистон" низ шаҳрвандии ин кишвар бекор карда шавад. Ин пешниҳод дар 15 моддаи Кодекси ҷиноятии Қазоқистон шомил хоҳад шуд.

Ба гуфтаи муовини вазири адлияи он кишвар Зауреш Баймолдин, тасмими ниҳоиро дар ин маврид президенти Қазоқистон Нурсултон Назарбоев хоҳад гирифт. 4 апрел вазорати адлия тасмим дорад, ки шакли ниҳоии лоиҳаи мазкурро оммавӣ кунад.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!