12 апр 2017 14:40Тоҷикистон / Тема дня

Шаҳрдорӣ: Автобусҳои нави Душанбе як рӯз ройгон хизмат мерасонанд

Шаҳрдории Душанбе мегӯяд, мусофиркашҳои нав, ки шаби гузашта вориди пойтахт шуд, аз 15 апрел ба хизматрасонӣ шурӯъ мекунанд.

Қурбон Саидзода, муовини раиси шаҳри Душанбе имрӯз, 11 апрел дар ҳузури хабарнигорон гуфт, дар рӯзи аввали фаъолият, ки ба Рӯзи пойтахт рост меояд, истифода аз онҳо ройгон хоҳад буд.

Ӯ афзуд, ин мусофиркашҳо аз кӯчаҳои марказӣ ба ҳаракат оғоз намуда, бо дастури шаҳрдорӣ баъди ду моҳи пардохти нақдӣ ба хизматрасонии электронӣ мегузаранд: "Дар ҳар автобус се таҷҳизоти электронӣ насб мегардад”.

Ҷаноби Саидзода гуфт, мусофирон вобаста ба масофаи ҳаракат ҳаққи роҳкиро пардохт хоҳанд кард, ки як навъ сабукӣ барои шаҳрвандон мебошад.

Шаҳрдории Душанбе 40 адад мусофиркаши тамғаи “ISUZU”-ро аз Туркия харидорӣ кард ва ба гуфтаи муовини раиси шаҳри Душанбе моҳи июли соли равон корвони дуюми мусофиркашҳо низ ба пойтахти кишвар хоҳад расид.

Қурбон Саидзода изҳор дошт, бо мавриди истифода қарор гирифтани мусофиркашҳои нав, автобусҳои ба талабот ҷавобгунабуда комилан аз хатсайрҳо бардошта мешаванд.

Акс аз "Азия Плюс"

Мӯҳр

Хабарҳои монанд:

Alisher

Бехтарин икдоми раиси шахри Душанбе. Барои пиёда намудани чунин накшахо ва аз болои онхо назорати мутамарказ нишон додани раёсати шахри Душанбе дар рузхову мохои баъди ба бехбудии харакати наклиёт дар Пойтахт хохад гашт. Умедворем, ки проблемахои мубрами пойтахт мунтазам халли худро хоханд ёфт.

Ҷавоб диҳед Иқтибос Шикоят

Мавзунаи Бадахши

Офарин! Ана иро меганд Шахрдори иро мегуянд гамхори нисбати халку миллат!

Ҷавоб диҳед Иқтибос Шикоят

Юсуф

Ташаккур ба шаҳрдори ҷавонамон. Худо ӯро аз чашми бад нигаҳ дорад.
Лекин як чиз бояд ҳатман қайд гардад. Ронандагон ва пулчинакҳо бисёр дағал ва бесаърифатанд. Бо онҳо бояд курсҳои махсуси одоби муошират бо мусофирон ва масъулиятшиносӣ гузаронида шавад. Онҳо сари ҳар қадам автобусро боздошта: "...апашка биё; боби биё; таға биё, СУМ, Қараболо, 82, Зарафшон биё!" гӯён, ба асаби мусофирон мерасанд. Ба онҳо чизе гуфта намешад, ба сарат дод мезананд. Автобусҳо бояд дақиқа ба дақиқа аз рӯи ҷадвал гарданд. Баъд масъалаи билети роҳкироро ҳам дидан даркор, ки пул ба кисаи ким-киҳо наравад. Агар автобусу троллейбусҳо зуд-зуд рафта биоянд, касе ба маршруткаҳо намешинад. Маршруткаҳо аз ҳад зиёд шудаанд. Онҳо қариб ҳама вақт қоидаҳои роҳро вайрон мекунанд. Дар дуюм хати роҳ истода одам фароварда, одам мегиранд.

Ҷавоб диҳед Иқтибос Шикоят

мухаммадчон

хамин автобусхо дар хар як астановка маьн мекарда бошан ёки сохти машрутка хамичада маьн кун ягончо маьн кун безор шидем рох гаштан пиёда дар кор аст.

Ҷавоб диҳед Иқтибос Шикоят

А к

ОфаринAlisher,
Alisher,

Ҷавоб диҳед Иқтибос Шикоят

Мусофир

Пардохти электронй хуб аст, аммо имтиёздорон чй гуна ворид мешаванд? Ё чиптачинхо мемонанд?

Ҷавоб диҳед Иқтибос Шикоят

Солех

Гуфтам-ку Рустами Эмомалй метавонад!

Ҷавоб диҳед Иқтибос Шикоят

Эзоҳ илова кунед