Русский  >>  فارسی  >>  Душанбе 29 май 2017, 22:16

Эълони ҳукми се муттаҳам дар қатли сарбоз Эҳсон Элчибеков

21 апрел 2017, 11:38

Додгоҳи гарнизони ҳарбии шаҳри Душанбе як сарбоз ва ду афсарро дар қатли Эҳсон Элчибеков, сарбози қисми низомии 06870–и Вазорати дифои Тоҷикистон муҷрим шинохт.

Бо ҳукми додрас Наҷмиддин Лоиқзода сарбоз Сайёдҷон Асоев бар пояи моддаи 373, қисми 2-и Кодекси ҷиноии Тоҷикистон 12,5 сол равонаи зиндон шуд. Ду афсари дигар Саидмуҳаммад Саъдулоев ва Изатулло Аҳмадов тибқи моддаи 392 қисми 1, як солӣ аз озодӣ маҳрум шуданд.

Эҳсон Элчибекови 19-сола рӯзи 16 феврали соли равон дар қисми низомии 06870, воқеъ дар шаҳри Душанбе ба таври мармуз даргузашт ва ҷасади ӯро ба волидонаш, ки дар деҳаи Бағуи ноҳияи Рӯшони вилояти Бадахшон зиндагӣ мекунанд, 21 феврал супурда шуд. Баъди шикояти наздикони Элчибеков барои таҳқиқи марги ӯ комиссияи вижа таъсис шуд. Масъулини ин комиссия ба пайвандони сарбоз гуфтаанд, вай дар натиҷаи муноқиша бо ҳамхидмати худ бӯғӣ шудааст.


Шарҳи худро бинависед:

Ном:*
E-Mail:
Матни шарҳ:
Посух додан
  • cfhuev

  • 21 апрел 2017 15:36
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Муффасали кушторро менавиштед, ки муаммо намонад

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!