Русский  >>  فارسی  >>  Ҷумъа 28 июл 2017, 09:48

ВКД: Донишҷӯёни “Тойота камри”-савор писарони мансабдору сарватмандонанд

18 май 2017, 16:45

Вазорати умури дохилии Тоҷикистон чанд ҳолати бо мошинҳои гаронарзиш ба донишгоҳ рафтани донишҷӯёнро ошкор кардааст. Ин ниҳод мегӯяд, донишҷӯёни мошинсавор писарони мансабдорон ва сарватмандон ҳастанд.

Вазорат дар як гузориши телевизионӣ донишҷӯён ва мошинҳои шахсии онҳоро намоиш дод, аммо исми волидони онҳоро эълон накард. Аз ҷумла Акбарҷон Орипов ва Азиз Достиев, ки донишҷӯи Донишгоҳи миллӣ будаанд ва бо “Тойота камри” ба донишгоҳ омадаанд. Ба иттилои ВКД нисбати фарзандони мансабдорон барои ин амалашон протоколи маъмурӣ тартиб дода шудааст.

Гузоришҳо дар бораи ошкор шудани донишҷӯёни мошинсавор баъди он нашр мешавад, ки ахиран Эмомалӣ Раҳмон, раисҷумҳури Тоҷикистон аз риоя нашудани қонунҳои “танзими анъана ва ҷашну маросимҳо” ва “масъулияти падару модар дар таълиму тарбияи фарзанд” изҳори нигаронӣ кард. Ӯ 13 май дар мулоқот бо роҳбарону фаъолони вилояти Хатлон гуфт, “ман супориши қатъӣ додам, ки мансабдорон ва хизматчиёни давлатие, ки муқаррароти қонунро риоя намекунанд ё фарзандонашон ба қонуншиканӣ роҳ медиҳанд, аз ҷумла ба муассисаҳои таълимӣ бо мошини шахсӣ мераванд ё қоидаҳои ҳаракатро дар роҳҳо вайрон менамоянд, аз вазифа озод карда мешаванд”. Раисиҷумҳур таъкид намуд, “аллакай чанд нафар сабукдӯш карда шуд ва таъкид менамоям, ки назорат дар ин самт минбаъд низ ҷиддӣ мешавад”.

Акс аз гузориши телевизионӣ


Шарҳи худро бинависед:

Ном:*
E-Mail:
Матни шарҳ:
Посух додан
  • Хайрат

  • 18 май 2017 22:21
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
О чи хел??? Боз хамон фарзандони мансабдорону пулдорон? О вай афсонаи хакли точик ба номи Маркази миллии тести чи шуд???
Гуё, ки тибки афсонахои ин Маркази миллии тести танхо ва танхо дар асоси донишу савод мегузаранд.
Ин боз хамон афсонаи кухна ку???
Масъулони Вазорати маориф ва Маркази миллии тести хамон сафсатахо ба ки лозим буд ва ба чашми ки хок мепошед, агар донишчуёни факултаи хукукшиноси сирф фарзандони мансабдрону пулмастон бошад.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
О у писари камбагали бечора шаб то сахар дар фикри рохкиорхаш аст аз кучо бо мошини гарон арзиш ба дарс меравад хар хафта халтаи пур аз туша аз хонаашон равон мекунад хамуна хам то охири мох эканом карда мехурад аз кучо тойёта кемри ё корола .албата ки хама писарони сарватмандон хастан лекин чора то хануз дидаги нестен и намебинанд аз руи мушохидахо .........
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Маркази миллии тестӣ ҳарчӣ ҳам бошад дар ин рӯзҳо вазифаашро бояду шояд ба иҷро расонида истодааст. Вале ба сохторҳои танобкаш месазад як бор аз вазият дар Маркази "Дурахшандагон" шиносоӣ пайдо намоянд.
Посух додан
  • Шахбоз

  • 19 май 2017 20:33
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
назар,
Марказии милли тести аз ягон вазифаш набромадесай. Хунар дошта бошад як бор пахши мустаким дар ТВ баргузор намоянд, ва ба саволи мардум чавоб гуянд. Як дошничу бо зиёда аз 400 бал ба донишгохи тибби дохил шуда натонист ба колеч дохил шуд, донишчуи дигари бошад бо 350 бал ба донишгохи тибби дохил шуд , сабабаш коэффитсенти нохияи дурдаст доштанаш будааст. МАРХАМАТ ХУД КАЗОВАТ КУНЕД. Чунин проблемахо бисёранд дар маркази милли тести

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!