25 май 2017 14:52Тоҷикистон / Иқтисодӣ / Дидгоҳи хос / Тема дня

Масъулини “Нигоҳи нав”: 15 ҳазор сомонӣ қарздор шудем...

Созмондиҳандаҳои Ҷашнвора-озмуни байналмиллалии театрии ҷавонон -- “Нигоҳи нав” мегӯянд, 15 ҳазор сомонӣ бидеҳкор шудаанд. Ба гуфтаи онҳо, бояд ин маболиғро то моҳи июн пардохт кунанд, аммо намедонанд ин қадар пулро аз куҷо меёбанд.

Масъулини ҷашнвора далели қарздориашонро “даст кашидан аз ҳамкории яке аз сарпарастони лоиҳа ва ба қадри зарурӣ кумак карда натавонистани шарики дигарашон дар пайи нофаҳмоиҳои тарафайн” унвон мекунанд: “Мо маҷбур шудем маблағҳои мавҷудбударо аз ҳисоби дигар бахшҳо ба самтҳои зарардида равона кунем. Ҳоло бояд то оғози моҳи июн қарзҳоямонро пардохт кунем, аммо аз куҷо ва чӣ гуна, бароямон муаммобарангез аст”.

Онҳо меафзоянд, аз ҳама дӯстону наздикон ёрӣ хостанд, аммо дар замони буҳронӣ касе имкони кумакро надорад: “Ҳамагӣ як роҳ мондаст, ки аз кадом бонке қарз гирему баъдан бо даст додани имконият моҳона онро пардохт кунем”.

Бо вуҷуди ҳама мушкилиҳо созмондиҳандаҳо аз сатҳу сифати ҷашнвораи имсол розӣ ҳастанд ва меафзоянд, меҳмонон ҳам аз Тоҷикистон розӣ рафтанд. Шашумин Ҷашнвора-озмуни байналмиллалии театрии ҷавонон “Нигоҳи нав” имсол аз 16 то 20 май баргузор шуд. Имсол он ба 100-солагии ҳунарманди тавоно Мушарафа Қосимова бо иштироки намояндаҳои Эрон, Русия, Қирғизистон, Қазоқистон ва Тоҷикистон баргузор шуд. Бар аоси муқаррароти ҷашнвора дар он танҳо намоишҳои бо сабку услуби нави театрӣ аз тарафи коргардонҳои зери 35 сола таҳияшуда намоиш дода мешавад. Ҳайати доварон аз ин қабил буд: Коргардон Ирода Саййа (Озарбойҷон), ҳунарманд Олга Коржева (Қазоқистон), коргардон-драматург Али Обидӣ (Эрон) коргардон Қурбон Собир (Тоҷикистон).

Ҳакамон Ҷоизаи беҳтарин нақши лаҳзавиро ба Ёсамин Раҳмонӣ аз намоишномаи “Хунмурдагӣ”-и Ҷумҳурии исломии Эрон доданд. Намоишномаи “Наход ман набошам...”-и Тоҷикистон ҷоизаҳои беҳтарин нақши мардона Бежан Давлатов ва коргардони беҳтарин Тереза Заурбековаро сазовор шуд. Ҷоизаҳои таваҷҷуҳи тамошобин, беҳтарин нақши занона ва ШОҲҶОИЗА-ро намоишномаи яккаактёрии “Орзуи Наташа” аз Федератсияи Русия бо худ бурд. Ба намоишномаҳои кишвари Қазоқистон ва Қирғизистон ҷоизаҳои махсуси доварон эҳдо гардид.

Гуруҳи тадорукоти ҷашнвораи “Нигоҳи нав” мегӯяд, давоми 5 рӯзи ҷашнвора ҳайати 45 нафараи меҳмонон ва иштирокчиёнро бо ҷойи хоб, роҳкиро ва се вақт хӯрок таъмин намуданд. Баргузор намудани вохӯриҳо, мизи мудаввар, маросими гулгузорӣ дар оромгоҳи Лучоб, ба ҷойҳои таърихӣ ва зебои кишвар, қалъаи Ҳисор, дараи Варзоб ва шаҳри Норак бурдани меҳмонон ҷузъе аз ҷашнвора гардид: “Ҳамаи меҳмонҳо бо дили шод ва эҳсосоти аҷиб аз кишвари мо берун рафтанд. Далелаш то имрӯз дар саҳфаҳои иҷтимоиҳояшон акс гузошта ба мардуми Тоҷикистон ташаккур мегӯянд”.

Гуруҳи тадорукот мегӯяд, нигоҳ накарда ба ҳамаи проблемаҳо аз кори худ шоданд: “Моро зарур буд аз 8 кишвари хориҷ гурӯҳҳои иштирокчиро биёрем аммо ба 5 кишвари иштирокчӣ ва як кишвари довар муваффақ шудем, ки таърихи 10 солаи охири театр шоҳиди он нашудааст. Инҷо, дар ин Ватан, дар соли ҷавонон баргузор шудани ҷашнвораи театрӣ ки ҳаммаи иштирокчиён ва бинандагонаш аксар ҷавононанд фоли нек аст. Қарздори воқеан сахт аст аммо умедворем роҳи ҳаллашро пайдо кунем”.

Созмондиҳандаҳо умед доранд, ки бо кумаки афроди хайрхоҳ қарзҳояшонро пардохт мекунанд.

Мӯҳр

Хабарҳои монанд:

дӯст

"...нигоҳ накарда ба ҳамаи проблемаҳо..." - калка аз русии "не смотря на..." мебошад, ки дар забони тоҷикӣ беҳудаю беҷой ба кор бурда мешавад.
Дар ин гуна маворид бояд гуфту навишт: "Бо вуҷуди...бо вуҷуди ҳама мушкилот"...

Ҷавоб диҳед Иқтибос Шикоят

Хуршед

э не, бовар нест ки карзидор шуда бошан. о ягон чизи дуруст надоштану чиба вохима мекунан. ман ду рузи авалашба будаму дидам ки арзиши вактсарфкуни надора рафтам пайи корам. Камтар хурдан даркор буд охи. Аввалхояш дар соли гузашта соз буду имсол кирои гапзани хам намекунад. Ба фикрам ба ягон нафараш нарасидаст. Ба фикрам бояд ин корро вазорати фарханг ташкил карда пул чудо мекард ки чавонон ягон кори дуруст кунанд. Имсол чизе карда натавонистед карзатонро худатон ёбед.

Ҷавоб диҳед Иқтибос Шикоят

Акрам

"Озодагон", чи мешуд агар ТОЧИКИ ва ФАХМО нависед: "бидеҳкор", "маболиғ"... - ин чи гап аст. Ягон эрни доред дар байнатон? МО мефахмем, ки таърихи сафорати Эрон ба шумо зиёд, вале итари бадам не дааа

Ҷавоб диҳед Иқтибос Шикоят

Далер

Салом Хуршедчон...офаринат ки он ду рузхам вакт сарф карда омади ба тамошо агар омада боши. "Нигоҳи нав" имсола 10ғҳо маротиба болотар сатҳаш аз солҳои гузашта буд. Инро ман не мутахасисони соҳа баҳо доданд. Агар ба таъби нозукбини Шумо мувофиқ наомада бошад ин мушкили мо не, чун Шуморо таъбатон болотар аз дидгоҳи ҷашнвораи "Нигоҳи нав" аст. Агар ба Шумо ду се соли аввал хуш омада бошад ба ин ҳам шукр. Лекин дар таърихи 10 солаи охири театр кай намоише аз кишвари Эрон, Қазоқистон, Қирғизистон ё Русия сарҷамъ дар як ҷашнвора дида будед?
Дар самти хурданҳову камхурданҳо ва супоридани қарзҳо бовари дорам мутахасис ё корманди театр нести вагарна ин ҳарфҳоро намезади. Барои исботаш шахсан ман омодаам бо Шумои азиз ру ба ру суҳбат кунам мо чи қадар хурдему ҷи қадар қарздор шудем ва барои чи?
Ҳарфи охир:-Офаринат эй бародар, ки ба ин ҳад зиндаи,
Бовари дори ба ин нобовари.

Ҷавоб диҳед Иқтибос Шикоят

Эзоҳ илова кунед