29 май 2017 13:47Тоҷикистон / Иқтисодӣ

Роҳи 2-сола: Трансформатори 214-тонна ба Норак расид (АКС)

НБО “Норак” соҳиби трансформаторе шудааст, ки гуфта мешавад 214 тонна вазну 450 меговолт/ампер иқтидор дорад ва дар ҳафтаи наздик насби он шуруъ хоҳад шуд.

Ба иттилои ширкати “Барқи тоҷик” ин таҷҳизоти муҳими энергетикӣ дар доираи лоиҳаҳои таҷдид ва барқарорсозии НБО-и Норак дар ҳамкорӣ бо мутахассисони Олмон ва Фаронса дар шаҳри Габзии Туркия сохта шудааст.

Гуфта мешавад, ки мутахассисони ШСХК «Барқи Тоҷик», Маркази идораи лоиҳаҳои бахши электроэнергетика ва НБО-и Норак чанд дафъа ба Туркия сафар карда, бо мутахасссони ширкати пудратчӣ- «Алстом»- трансфарматорро аз озмоиш гузарониданд. Озмоиши асосии он моҳи сентябри соли 2015 доир шуда, раванди таҳвили он аз Туркия ба Тоҷикистон аз ҳамон давра оғоз ёфт. Ширкати туркии «Ибракон» таҳвили онро ба ӯҳда гирифта, ки ба иттилои “Барқи тоҷик” онро бо муваффақият анҷом дод.

Маркази матбуоти “Барқи тоҷик” мегӯяд, ки “васли икарданин таҷҳизот имконият медиҳад, ки агрегати 8-уми нерӯгоҳ, ки алаккай чархи кории он иваз шудааст, пурра таҷдид гардад ва нерӯгоҳ бузурги “Норак” дар доираи иқтидори лоиҳавӣ аҳолӣ ва хоҷагии халқи мамлаакатро бо барқи хушсифат таъмин намояд”.

Бино ба иттилои дафтари матбуоти “Барқи тоҷик” ин трансформатор дар таърихи НБО-и Норак, ки чархаи якуми он соли 1972 ва чархаи охиринаш соли 1979 фаъол карда шудаанд, бузургтарин ба шумор меравад.

Мӯҳр

Хабарҳои монанд:

Нозир

Бояд назорат кард, ки онро сари вакт ва махсусан дар фасли тобистон васл кунанд, боз нагуянд, ки дер шуду тирамоху зимистон бебарк монем...

Ҷавоб диҳед Иқтибос Шикоят

Муаллим

Шиддати барк дар Кулоб 190-200волтро ташкил медихад,ки аз ин сабаб хамаи тачхизотхои барки кариб аз кор мемонанд е вайрон шудаанд. Боз кормандони барк омада аз ахоли пул талаб мекунанд . Дар холате,ки бояд сифати барк 220-230 волтро ташкил дихад. Ба рохбарияти барки точик мерасонем,ки ин масьаларо дида бароянд.

Ҷавоб диҳед Иқтибос Шикоят

Эзоҳ илова кунед