Русский  >>  فارسی  >>  Ҷумъа 24 ноябр 2017, 10:38

Президенти Қирғизистон соли 2016 қариб 18 ҳазор доллар даромад доштааст

10 июл 2017, 15:03

Алмосбек Отамбоев, президенти Қирғизистон соли гузашта 1 млн 246 ҳазор сом (наздики 17,8 ҳазор доллар) даромад доштааст. Дар ҳамин ҳол, харҷаш 8 млн 385 ҳазор сом (қариб 120 ҳазор доллар) будааст. Вай дар эъломияаш навишт, ки аз ҳисоби даромадҳои шахсиаш харҷ кардааст.

Аз амвол, тибқи ҳуҷҷат, президенти Қирғизистон як бинои иборат аз 116 метри мукааб бо 2,7 гектар ва боғи иборат аз 6,4 гектар дар ихтиёр дорад. Президенти Қирғизистон амволи манқул надорад.

Хеши наздики Отамбоев дар соли 2016 250 ҳазор сом аз ҳисоби кори расмӣ, 369 ҳазор сом аз ҳисоби даромади вомбаргҳо, 2,5 млн сом аз ҳисоби созишномаҳои ҳуқуқиву шаҳрвандӣ ва 100 ҳазор сом аз ҳисоби қарзҳои бонкиаш даромад доштааст. Дар эъломия гуфта нашудааст, ки ин кадом хеши наздики вай аст.

Нисбати соли 2015 даромадҳои президент тағйир ёфтаанд. Соли 2015 Отамбоев 1 млн 298 ҳазор сом даромад дошт. Аммо он замон вай 34 млн харҷ карда буд. Даромади хеши наздикаш он замон 182 ҳазор сом аз ҳисоби кори расмӣ ва 112 ҳазор доллар аз ҳисоби фоизҳои амонатҳояш буд.

Алмосбек Отамбоев пештар гуфта буд, ки қабл аз президентиаш миллионер шуда буд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Ноябр 2017    »
ДушСешЧорПанҶумШанЯкш
 12345
6789101112
13141516171819
20212223242526
27282930 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!