Русский  >>  فارسی  >>  Ҷумъа 18 август 2017, 02:35

Ҷилавгирӣ аз қочоқи беш аз 550 телефони "Samsung Galaxy"

9 август 2017, 12:18

Хадамоти гумруки Тоҷикистон мегӯяд, дар пайи гузаронидани чорабиниҳои оперативӣ - ҷустуҷӯӣ дар роҳи мошингарди “Конибодом- Хуҷанд” аз дохили як сабукрави “Опел – Зафира” 553 телефони мобилии тамғаи “Samsung Galaxy” ёфт шудааст: “Моли мазкур ба шаҳрванд Р.Ф. соли таваллудаш 1987, сокини ноҳияи Бобоҷон Ғафуров, ҷамоати деҳоти Хистеварз тааллуқ дошта, номбурда ин миқдор молро бидуни назорати гумрукӣ, ғайриқонунӣ, тариқи қочоқ аз Ҷумҳурии Қирғизистон ба ҳудуди Ҷумҳурии Тоҷикистон, ворид намудааст”.

Ба иттилои манбаъ, Р.Ф. ин миқдор телефонро аз минтақаи наздисарҳадии деҳаи Борбордуқи ноҳияи Лайлаки Қирғизистон аз Қанибек ном шахс харидорӣ намуда, ғайриқонунӣ онҳоро ба Ҷумҳурии Тоҷикистон интиқол додааст.

“Тибқи хулосаи Маркази ҷумҳуриявии экспертизаҳои судӣ ва криминалистии Вазорати адлияи Ҷумҳурии Тоҷикистон арзиши умумии телефонҳои мобилӣ 935 ҳазору 50 сомониро ташкил медиҳад. Аз рӯи ҳолати мазкур нисбат ба шаҳрванд Р.Ф. бо моддаи 289 қисми 2-и Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, дар тафтишоти прокуратураи вилояти Суғд қарор дорад”,-хабар медиҳад дафтари матбуоти Хадамоти гумрук.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!