Русский  >>  فارسی  >>  Чоршанбе 20 сентябр 2017, 01:46

Вазир: Маҳдудияти барқ имсол боз камтар мешавад (ВИДЕО)

17 август 2017, 15:29

Вазорати энергетика ва захираҳои оби Тоҷикистон мегӯяд, бо даст додани имкон имсол маҳдудияти нерӯи барқ дар кишвар дар фасли сармо нисбат ба соли гузашта камтар хоҳад шуд.

Ба гуфтаи Усмоналӣ Усмонзода, вазири энергетика ва захираҳои об, барои коҳиш додани реҷабандии нерӯи барқ бевосита Президент дастур додааст. Усмонзода дар охирин нишасти хабарии ниҳоди зери раҳбариаш таъкид намуд, чунин як дастур ба дигар ниҳодҳои дахлдор низ расидааст: “Мувофиқи дастур имсол мо бояд барои Маркази барқу гармидиҳии Душанбе 1 миллиону 80 тонна ангишт омода намоем, ки ин яе аз корҳои асосӣ барои таъминоти барқ дар зимистони имсола аст”.

Номбурда гуфт, ба тамоми ниҳодҳои дахлдор барои бештар ба хатҳои оби гарм пайваст кардани аҳолии пойтахт супоришҳо ҳаст: “Имкон шавад системаи гармидиҳиро имсол аз миёнаҳои моҳи ноябр ва ё оғози моҳи декабр вобаста ба боду ҳаво ва таъминоти об дар НБО “Норак” фаъол мекунем. Ин маънои онро дорад, ки як моҳ барвақтар таъминоти барқро аз ҳисоби Маркази барқу гармидиҳии Душанбе таъмин намоем ва ин имкон медиҳад, бисёртар барқ истеҳсол намоем ва аҳолии шаҳрро бо барқ ва гармӣ таъмин намоем. Аз ҳисоби ин сарфа мегардад ва онро мо ба деҳоти ҷумҳурӣ равона намуданӣ ҳастем”.

Вазири энергетика ва захираҳои оби кишвар гуфт, соли гузашта дар моҳи октябр агрегати аввали Маркази барқу гармидиҳии Душанбе-2 бо тавоноии 150 мегават ба кор даромад ва агрегати дуввум моҳи декабр фаъол шуд. Усмонзода афзуд, “бо дастури Президент тамоми кушишҳоро ба харҷ медиҳем, то таъминоти барқ дар зимистони 2017-2018 беҳтару хубтар гардад”.

Сокинони манотиқи Тоҷикистон даҳсолаҳост, ки шаш моҳи фасли тирамоҳу зимистон аз камбуди нерӯи барқ дар манозилашон ранҷ мекашанд. Танҳо соли гузашта реҷабандии нерӯи барқ дар кишвар нисбатан коҳиш ёфт. Мақомот мегӯянд, танҳо дар сурати бунёди нерӯгоҳи Роғун лимити нерӯи барқ куллан аз миён бардошта хоҳад шуд.



Шарҳи худро бинависед:

Ном:*
E-Mail:
Матни шарҳ:
Посух додан
  • Тамошобини цирк

  • 17 август 2017 17:32
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Шумо магар девона шудаед? Дар берун соли 2017 - 2018 аст.
Посух додан
  • салимзода

  • 17 август 2017 18:31
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Соли гузашта лимити барк тарих шуд гуфта будед имсол боз аааа шуд ку....
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ангиштҳои шумо ҳамааш аз сангу гил иборат аст. Ба печка як сатил ангишт меандозӣ, пас аз сӯхтан як сатил санг мегирӣ. Ангиштҳои тоҷикӣ бисёр ҳезум мехӯранд. Ангишти олӣ ангишти қирғизӣ аст. На санг дорад, на гил. Аз як сатилаш камтар хокистар мемонад. На дуд дорад, на бӯй. Камбудиаш фақат дар нархаш аст. Хеле гарон.

Матолиби ҳамсон:

Бойгонӣ

«    Сентябр 2017    »
ДушСешЧорПанҶумШанЯкш
 123
45678910
11121314151617
18192021222324
252627282930 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!