Русский  >>  فارسی  >>  Чоршанбе 20 сентябр 2017, 01:43

Тоҷикистон дар мақоми 50-и рейтинги Charities Aid Foundation

6 сентябр 2017, 09:35

Тоҷикистон дар раддабандии нави Шохиси ҷаҳонии кӯмакҳои хайрия мавқеашро 27 зина беҳтар кардааст.

Ин рейтингро Бунёди кӯмакҳои хайрия (Charities Aid Foundation) таҳия кардааст ва он 5 сентябр нашр шуд. Тоҷикистон миёни 139 кишвари ҷаҳон мақоми 50-ро муаррифӣ мекунад.

Аз кишварҳои Осиёи Марказӣ мизони хайрхоҳӣ дар Узбакистон бештар будааст. Ин кишвар дар зинаи 38-уми раддабандӣ қарор дорад. Туркманистон дар ҷойи 69, Қирғизистон - 85 ва Қазоқистон дар мақоми 87-анд.

Раддабандии Бунёди кӯмакҳои хайрия бар асоси се меъёр -- додани кӯмаки молӣ, мадади беғаразона, ёрӣ ба бегонаҳо таҳия мешавад. Дар садри раддабандӣ Мянмар нишастааст. Ба иддаои таҳиякунандаҳои рейтинг 91 дарсади мардуми ин кишвар ба эҳсонкорӣ даст мезананд. Дар зинаи дуввум Индонезия ва дар ҷойи сеюм Кения нишастаанд. Зеландияи Нав ва ИМА мутаносибан 4 ва 5-уманд. Дар зинаҳои охири раддабандӣ Литва, Чин ва Яман қарор гирифтаанд.

Бунёди кӯмакҳои хайрия (Charities Aid Foundation), қароргоҳаш дар Бритониё, бузургтарин маркази таҳқиқотӣ аст, ки хайрхоҳиро миёни кишварҳои ҷаҳон шурӯъ аз соли 2010 таҳқиқ ва раддабандӣ менамояд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Сентябр 2017    »
ДушСешЧорПанҶумШанЯкш
 123
45678910
11121314151617
18192021222324
252627282930 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!