Раддабандии FIFA: Тими Тоҷикистон 11 зина пеш рафт
Тоҷикистон дар раддабандии нави FIFA - Федератсияи байналмилалии футбол, ки 14 август нашр шуд, мавқеашро 11 зина беҳтар кардааст.
Мунтахаби футболи кишвар, ки тайи ду моҳи ахир якбора 14 зина поин рафта, дар ҷойи 149 ва 151 менишаст, дар раддабандии нав бо 213 имтиёз дар мақоми 140 қарор гирифтааст. Миёни кишварҳои Осиёи Марказӣ Тоҷикистон аз ҳама охир буда, миёни яккачинҳои Осиё дар ҷойи 25-ум аст.
Узбакистон дар ҷойи 69, Қазоқистон 126, Қирғизистон 122 ва Туркманистон дар зинаи 136–ум ҷой гирифтаанд.
Ин моҳ мунтахаби Олмон дар феҳристи ФИФА мақоми аввалро гирифта, дар ҷойи дувум Бразилия ва Португалия дар ҷойи сеюм мебошанд. Аргентина, Белгия, Лаҳистон, Швейтсария, Фаронса, Чилӣ ва Колумбия шомили даҳгонаи беҳтарин тимҳои миллии ҷаҳон гардидаанд.
Рейтинги FIFA аз соли 1993 ба ин сӯ тартиб дода шуда, имтиёзҳо ба кишварҳо аз рӯи натиҷаҳои дастаи мунтахаби миллии ҳар кишвар дода мешавад. Натиҷаи беҳтарини мунтахаби Тоҷикистон дар феҳристи FIFA ҷойи 106-ум дар моҳи июни соли 2013 ва натиҷаи бадтаринаш ҷойи 180-ум дар соли 2003 мебошад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |