Русский  >>  فارسی  >>  Якшанбе 19 ноябр 2017, 02:17

100 метр дуртар: Тамокукашӣ маҳдудтар шуд

25 октябр 2017, 13:21

Маҷлиси намояндагони Тоҷикистон лоиҳаи қонун “Дар бораи маҳдуд намудани истифодаи маҳсулоти тамоку”-ро дар таҳрири нав қабул намуд, ки маконҳо барои тамокукаширо боз маҳдудтар кард.

Мирзомурод Камолзода, муовини вазири тандурустии Тоҷикистон гуфт, қаблан шаҳрвандон метавонистанд дар ҳуҷраҳои махсуси биною иншоот аз маҳсулоти тамоку истифода намоянд, вале бо қабули тағйироти нав дигар чунин имкониятро надоранд: “Тибқи таҳрири нав шаҳрвандон ҳангоми кор 100 метр аз макони корияшон дур рафта, дар ҷойҳои махсус тамоку истеъмол менамоянд. Ташкили чунин ҷойҳо пешбинӣ шудааст, ки бояд аз бинои корӣ дур бошанд”.

Камолзода афзуд, дар таҳрири нав як қатор мафҳумҳои нав, аз қабили катрон, чилим, нос ва регламентҳои техникӣ оид ба зарари маҳсулоти тамоку ба саломатии инсон, ворид гардидаанд: “Дар қонуне, ки соли 2010 қабул шуда буд, ин чизҳо набуд, ҳамчунин истифодаи сигори электроникӣ, ки ба наздикӣ мавриди истифода қарор гирифтааст, мо дар лоиҳаи мазкур ворид намудем. Он ҳам мисли сигори оддӣ ба саломатӣ зарар дорад. Дар таркиби сигори электронӣ низ миқдори зиёди никотин ва дигар моддаҳои зараровар ба саломатии инсон вуҷуд дорад”.

Муовини вазири тандурустӣ таъкид кард, ки тарғиб ва ё ҳамчун маводи табобатӣ тавсия додани маҳсулоти тамоку, ки аз ҷониби бархе нафарон сурат мегирад, манъ гардидааст: “Дар аксари маврид гуруҳҳое, ки аз соҳаи тандурустӣ дуранд, маҳсулоти тамокуро ҳамчун маводи доруворӣ пешниҳод мекунанд, тарғиб мекунанд, ки ин манъ гардид. Маҳсулоти тамокуӣ ҳамчун маводи табобатӣ дигар набояд тавсия дода шавад”.

Ба гуфтаи Камолзода дар Тоҷикистон беш аз 500 ҳазор нафар аз маҳсулоти тамоку истифода мебаранд, ки мутаассифона миёни онҳо занҳо низ ҳастанд. Ӯ афзуд, бештари ҷавонон маҳсулоти тамкуиро истифода мебаранд, ки ин нигаронкунанда мебошад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Ноябр 2017    »
ДушСешЧорПанҶумШанЯкш
 12345
6789101112
13141516171819
20212223242526
27282930 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!