Китоби «Тоҷикон дар оинаи таърих»-и Эмомалӣ Раҳмон дар Миср нашр шуд

Дар нашриёти мисрии «Дору-л-фикри-л-арабӣ» дар шаҳри Қоҳира нашри дуюми китоби Эмомалӣ Раҳмон, президенти Тоҷикистон “Тоҷикон дар оинаи таърих” ба забони арабӣ дар 3 ҷилд ба табъ расид.

---

Бино ба иттилои хадамоти матбуотии ВКХ-и кишвар, нашри аввали китоб ҳанӯз соли 2009 дар нашриёти мазкур бо теъдоди 1500 нусха  ба дасти чоп расида, маросими тақдими он дар ҳошияи саммити 15-уми давлатҳои адами тааҳҳуд дар Шармушшайх моҳи июли соли 2009 бо иштироки Эмомалӣ Раҳмон баргузор гардида буд.
Китоб аз ҷониби олимони шинохтаи Миср, устоди Донишгоҳи Айн Шамс доктор Макорим ал-Ғамрӣ (ҷилди 1) ва устоди Донишгоҳи Қоҳира доктор Абдулваҳҳоб Аллуб (ҷилди 2 ва 3) дар зери назари сафири Тоҷикистон дар Ҷумҳурии Мисри Араб    Назруллоҳи Назар ба забони арабӣ тарҷума шудааст.

Мӯҳр