Ҳар рӯз Тоҷикистонро 105 сокини он тарк менамояд

Шумораи нафаронеро, ки бо иваз намудани ҷои истиқомат аз Тоҷикистон кӯчида рафтаанд, масъулини Агентии омори назди президенти Тоҷикистон тайи моҳҳои январ-июни соли ҷорӣ 19 ҳазору 66 нафар арзёбӣ мекунанд.

Ин ба ҳисоби миёна ҳар рӯзе 105 нафар рост меояд.Дар ҳамин баробар шумораи нафароне, ки кӯчида ба Тоҷикистон омадаанд, дар як рӯз 89 нафарро ташкил медиҳад. Дар маҷмӯъ, ба Тоҷикистон тайи моҳҳои январ-июн 16 ҳазору 90 нафар кӯчида омадаанд. Масъулини Агентӣ мегӯянд, аз ҳисоби муҳоҷират танҳо дар нимсолаи аввали соли ҷорӣ аҳолии ҷумҳурӣ 3 ҳазор нафар кам шудаст. Шумораи муҳоҷироне, ки соли гузашта Тоҷикистонро бо иваз намудани ҷои истиқомат тарк кардаанд, масъулини омор 39 ҳазор нафар арзёбӣ мекунанд, ки нисбати соли пешӣ 5 фоиз бештар аст.
Дар баробари кӯчиш тай соли 2011-ум 32 ҳазору 619 нафар аз ба Тоҷикистон кӯчида омадаанд. Таҳлилгарони Агентии омор мегӯянд соли гузашта аз ҳисоби муҳоҷират шумораи аҳолӣ дар Тоҷикистон 6 ҳазору 249 нафар коҳиш ёфтаст.  
Мӯҳр