Русский  >>  فارسی  >>  Панҷшанбе 8 декабр 2016, 16:54

Тоҷикистон истеҳсоли сементро бе истифодаи газ густариш медиҳад

4 июн 2013, 11:19

Дар пасманзари қатъи интиқоли гази Узбакистон мақомоти тоҷик талошҳоро барои роҳандозии истеҳсолот бо истифодаи манобеи нерӯи худӣ, аз ҷумла ангиштсанг густариш додаанд.

Вазорати энержӣ ва саноати Тоҷикистон мегӯяд, дар даҳаи сеюми моҳи майи соли ҷорӣ дар шаҳри Ваҳдат якчанд корхонаҳои истеҳсоли масолеҳи сохтмонӣ ба фаъолият шуруъ карданд. Аз ҷумла «Ваҳдат Хуалун семент» ба истеҳсоли сементи ватанӣ бо истифода аз ашёи хоми маҳаллӣ ба фаъолият шуруъ кардааст, ки иқтидори лоиҳавии корхона 50 ҳазор тонна дар як сол буда, айни замон 30 нафар коргарони маҳаллӣ ва 15 нафар кормандон аз Чин машғули кор мебошанд.

Мутахассисони корхона мегӯянд, феълан барои беҳтар гардонидани сифати семент ва то тамғаи 500 (ПУ М – 500) расонидани маҳсулот корро идома дода, нақша доранд истеҳсолро дар 1 шабонарӯз то 180 тонна расонанд ва қариб 100 нафарро бо ҷойи кори доимӣ таъмин намоянд. Вазорати энержӣ ва саноат таъкид мекунад, ки дар ин корхона барои фаъолияти мунтазами корхона миқдори зарурии ашёи хом (оҳаксанг, хок, гаҷсанг, магнетит) ва сӯзишворӣ (ангишт) захира карда шудааст.

Дар ҳоле, ки дар пайи қатъи интиқоли гази Узбакистон тавлидот дар яке аз калонтарин корхонаҳои кишвар “Тоҷиксемент” коҳиш ёфтааст, мақомот талош доранд, бо истифода аз ангиштсанг истеҳсолотро дар корхонаҳои дигари сементбарорӣ бештар намоянд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!