Русский  >>  فارسی  >>  Якшанбе 11 декабр 2016, 14:56

Ошкоргӯиҳои вазир дар бораи шиканҷа, гумшавии Араловаҳо ва “дедовшина”

17 июл 2013, 12:42

Рамазон Раҳимов, вазири умури дохилии Тоҷикистон, имрӯз, 17-уми июл, зимни ҷаласаи мушовараи вазорат ба қазияи гумшавии Араловаҳо, қатли як хонавода дар Суғд, истифодаи шиканҷа аз ҷониби маъмурини пулис, дедовшина ва дигар масоил дахл карда, ошкоро вазъи мавҷударо шарҳ додааст.

Раҳимов таъкид намудааст, ки дар аксарияти шӯъбаҳо сатҳи дониши назариявӣ ва касбии кормандон паст буда, дар рафти дастгиркунӣ ва тафтишот азобу шиканҷа нисбати гумонбаршудагон ҳанӯз ҳам ба чашм мерасад: “Муоширати нодуруст, дағалгуфторӣ ва бадмуомилагӣ бо шаҳрвандон аз ҷониби бисёре аз кормандон, бахусус кормандони хизмати беруна пайваста мушоҳида кардан мумкин аст.”

Вазири умури дохилии Тоҷикистон гуфтааст, дар давоми 6 моҳи аввали соли равон ба воситаи телефони боварӣ 330 арзу шикоят ворид гардид, ки аз ин 155-тояш нисбати кормандони милитсия буда, аз он 20 далелаш тасдиқи худро ёфтааст: “Танҳо дар давраи ҳисоботӣ аз тарафи 23 нафар кормандони мақомоти корҳои дохилӣ 25 ҷиноят содир шудааст. Аз он ҷумла, 8 ҳолати гирифтан ва додани пора, 7 ҳолати қаллобӣ, 4 ҳолати сӯистифода аз ваколатҳои мансабӣ, 4 ҳолати баромадан аз ҳадди ваколатҳои мансабӣ, 2 ҳолати шиканҷа.”

Рамазон Раҳимов аз ҷиноятҳои пурсарусадои вақтҳои ахир зикр карда, ҳушдор додааст, ки дар сурати ошкор нагардидани ин ҷиноятҳои вазнин, ки боиси нигаронии авзои ҷомеа гардидаанд, нисбати шахсони масъул ҷазои интизомӣ андешида мешавад: “Аз сабаби паст будани маҳорату малакаи оперативии кормандон, махсусан кор бо дастгоҳи гумоштавӣ, надонистани вазъи криминогении минтақаи вобасташуда, ҷиноятҳое, ки боиси изтироб ва нигаронии мардум гардидаанд, ба мисли сӯхтори бозори “Корвон” ва гум шудани ду духтарчаи ноболиғ дар шаҳри Душанбе, куштори ваҳшиёнаи як оила дар ноҳияи Б.Ғафуров, куштори корманди хадамоти давлатии “Муҳофиза” дар ноҳияи Файзобод то ҳол ошкор карда нашудаанд ва ягон хабари оперативии боэътимод низ дар ин хусус мавҷуд нест. Ҳол он, ки ҷиҳати пурзӯр намудани фаъолият дар ин самт, борҳо ба хадамотҳои оперативӣ дастуру супоришҳои мушаххас дода будам.”

Раҳимов инчунин аз интизоми хизматӣ дар қисмҳои ҳарбӣ интиқод намуда, таъкид намудааст, ки ҳолатҳои ба муноқиша ва лату кӯб даст задани сарбозони соли аввали даъват, ки то дараҷаи фавти аскарон овардааст то ҳол ҷой доранд ва фавти аскарбача аз шаҳри Сарбандро мисол овардааст.

Дар мавриди мусодираи силоҳ аз аҳолӣ вазири тоҷик гуфтааст, 769 адад силоҳ ва миқдори зиёди дигар лавозимоти ҷангӣ мусодира карда шудааст: “Кор дар ин самт беҳбудиро мехоҳад. Зеро рух додани ҷиноятҳои вазнин тавассути силоҳ дар байни аҳолӣ ҳангомаҳои зиёдро ба вуҷуд меорад.”

Рамазон Раҳимов кормандони милисаро ба рафтору муносибати намунавӣ, хушмуомилагӣ, қабул ва ҳалли дурусти арзу муроҷиати шаҳрвандон даъват намуда, гуфтааст, чунин шеваи кор эътимоду боварӣ ва назари аҳолиро нисбати мақомоти корҳои дохилӣ дучанд хоҳад кард.



Шарҳи худро бинависед:

Ном:*
E-Mail:
Матни шарҳ:
Посух додан
  • Amin

  • 17 июл 2013 19:57
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
agar az yoft nashukani jinoyatkorone ki Mahmadalii Hait va Hikmatullo Sayfulozodaro latukub kardand yod mekarded chi meshud magar inho ba andozai bozori KORVON arzish nadorand?!

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!