Русский  >>  فارسی  >>  Якшанбе 11 декабр 2016, 05:13

Ҳукумов гуфт, Узбакистон муштариёнашонро “мегурезонад”

22 июл 2013, 13:22

Амонуллоҳ Ҳукумов, роҳбари корхонаи “Роҳи оҳани Тоҷикистон”, мегӯяд, ранҷу азоб дар қаламрави Узбакистон боиси он шудааст, ки мусофирон аз истифодаи хидмати роҳи оҳан худдорӣ мекунанд.

Амонуллоҳ Ҳукумов, роҳбари корхонаи “Роҳи оҳани Тоҷикистон” мегӯяд, ранҷу азоб дар қаламрави Узбакистон боиси он шудааст, ки мусофирон аз истифодаи хидмати роҳи оҳан худдорӣ мекунанд.

Ҳукумов имрӯз, 22-юми июл, зимни нишасти матбуотӣ дар Душанбе аз сиёсати Узбакистон дар мавриди қаторҳои Тоҷикистон интиқод намуда, афзуд, “дар роҳи давлати ҳамсоя мусофиронро бисёр ғам медиҳанд. Ин сабаби асосии кам шудани мусофирони мо аст. Аз соли 2009 қарори махсуси ҷумҳурии Узбакистон барои кам кардани ҳаҷми боркашонӣ дар қитъаи транзитии роҳи оҳани Тоҷикистон кабул карда шуд, ки ин характери сиёсӣ дорад.”

Оқои Ҳукумов илова намуд, ки ахиран аз абарқудратҳо, аз ҷумла Амрико дархост кардаанд, ки ба ин масъала расидагӣ намояд: “Мо ба сафорати Амрико дар Тоҷикистон навиштем, ки агар як журналист ё нафари дигарро қапанд дар тамоми дунё бонг мезанед. Як солу 8 моҳ мешавад, ки ҳамаи боркашонӣ ё ба минтақаи Душанбе сурат мегирад ё ба вилояти Суғд ва аз он ҷо ба Хатлону ВМКБ интиқол дода мешавад. Тасаввур кунед, ки чӣ қадар хароҷоти иловагӣ мешавад. Дар инҷо ҳамаи гап дар сари Роғун аст.”

Раиси роҳи оҳани Тоҷикистон ҳаҷми хисороти яксола аз монеасозиҳои Узбакистонро ҳудуди 50 миллион доллари амрикоӣ арзёбӣ намуд. Дар мавриди самараи кораш Амонулло Ҳукумов афзуд, ки вақте сардори роҳи оҳан таъин шуд, ин корхона сад миллион доллар қарздор буд: “Баъзе кормандони корхона то як солу ду моҳ маош намегирифтанд. Вагонҳои мусофиркашониро баста буданд, як солу се моҳ вагонҳои боркашонӣ намеомаданд.”

Бо зикри ин ҳама ва хизматаш дар бартарафсозии онҳо Ҳукумов таъкид намуд, ки “баъзан, моро ҳам қаҳр мекунад вақте журналистон надониста матлабе менависанд.”


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ХУКУМОВ.! ТУ КОРХОНАИ РОХИ ОХАНИ ТОЧИКИСТОНРО ШАРМАНДА КАРДИ...
АЗ РУИ ХАМОН ЯК ФАРЗАНДИ НОХАЛАФАТ
Посух додан
  • Cамад

  • 22 июл 2013 14:22
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дар каторахои рохи охани Точикистон ,аз Душанбе то Маскав, як мох пеш рахсипор шудам. Дар хакикат он наворхое,ки таввасути шабакаи "Россия"барномае пахш шуд,бо номи "Шайтан поезд" хамаи холатхо асос доранд.Дар каторрахо хатто об барои дасту руй шустан ба кофи набуд.Хочатхонаи катора,хамин хел чиркин ва анти санитари буд,ки таъбат намекашид,ки ба ончо дарои. Камбудихо дар хакикат чой доранд.Умуман каторахо ба ягон стандартхои амалкунанда, чавобгу нестанд. Нархи рохкиро баланд мебошад, аккалан шароит барои мизочон мухайё кунед.
Чи тавре,ки хавопаймохои руси ба самти Точикистон парвоз мекунанд,хамин тавр каторахои русхо хам ба тарафи Точикистон хатсайр мекушоданд,хам нарххо арзон мешуда хам холати санитарии каторахо нагзтар мешуд.
Посух додан
  • Ахмад

  • 22 июл 2013 15:51
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Э бародар хаму заду шапи расия хам барои хамин ки каторахои худашро сар тияд

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!