07 авг 2013 14:10Тоҷикистон / Иқтисодӣ

Убайдуллоев аз нархҳо дар Рамазон розӣ мондааст

Маҳмадсаид Убайдуллоев, раиси шаҳри Душанбе, зими ҷаласаи кории шаҳрдорӣ барои таъмини фаровонию арзонии маҳсулоти ниёзи аввал дар пойтахт, ба мақомот ва тоҷирон изҳори сипос кардааст.

Дар ин бора имрӯз, 7-уми август аз котиботи шаҳрдорӣ хабар доданд.

Убайдуллоев дар арафаи моҳи Рамазон, руйхати 12 намуди маҳсулот бо нархҳояшонро тартиб дода, назорати онро ба души мақомоти пулис, кумитаи амният, додситонӣ ва оҷонсии зидди фасод гузошта буд: “Аз ҷумла 1 кг гӯшти мурғи ҶСШК “Мурғи Ҳилол”-и ноҳияи Файзобод 7 сомонӣ, гӯшти гов 29 сомонӣ, гӯшти гӯсфанд 30 сомонӣ, як халта орди навъи якум (аз ғаллаи дар Қазоқистон истеҳсолшуда ва навъи «Шамалған»-и аз ҷониби ҶДММ «Назириён» пешниҳодшаванда) то 130 сомонӣ, 1 литр равғани растанӣ 7,5 сомонӣ, 1 кг биринҷи ватанӣ то 7 сомонӣ, 1 кг шакар то 4,2 сомонӣ, 1 литр шир дар бозорҳо то 3,5 сомонӣ ва дар дӯконҳои сайёри ҶСШК “Комбинати шири Душанбе” 4,5 сомонӣ, 1 кг сабзӣ то 1,6 сомонӣ, 1 кг картошка то 1,5 сомонӣ, 1 кг пиёз то 65 дирам ва 1 дона тухм то 50 дирам муайян шуда буд”.

Таҳлилгарон мегӯянд, давоми моҳи Рамазон нархҳо воқеан дар бозор муътадил буданд, аммо дар анҷоми ин моҳ ва фарорасии Иди Фитр якбора боз боло ҷаҳидаанд.

Мӯҳр

Хабарҳои монанд:

дарвеш

Неки дар бозорчаи махалаи 102 -юм картошка аз 2 сомони поён нарафта буд дируз ва имруз боз болотар рафтанд нарххо

Ҷавоб диҳед Иқтибос Шикоят

Абдувохид

дар тули тамоми мох гушти 29 сомонаро кариб ки надидам,
2 маротиба аз бозори Шохмансур биринч харидори намудам , биринче ки то то Рамазон 8, 50 сомон буд (биринчи юбилей), 10 сомон гуфт бади савдо карданам 9.5 сомон шуд.
Пас дар кадом бозор нарххо ба танзим дароварда шуд!

Ҷавоб диҳед Иқтибос Шикоят

Харидор

“Аз ҷумла 1 кг гӯшти мурғи ҶСШК “Мурғи Ҳилол”-и ноҳияи Файзобод 7 сомонӣ, гӯшти гов 29 сомонӣ, гӯшти гӯсфанд 30 сомонӣ, як халта орди навъи якум (аз ғаллаи дар Қазоқистон истеҳсолшуда ва навъи «Шамалған»-и аз ҷониби ҶДММ «Назириён» пешниҳодшаванда) то 130 сомонӣ, 1 литр равғани растанӣ 7,5 сомонӣ, 1 кг биринҷи ватанӣ то 7 сомонӣ, 1 кг шакар то 4,2 сомонӣ, 1 литр шир дар бозорҳо то 3,5 сомонӣ ва дар дӯконҳои сайёри ҶСШК “Комбинати шири Душанбе” 4,5 сомонӣ, 1 кг сабзӣ то 1,6 сомонӣ, 1 кг картошка то 1,5 сомонӣ, 1 кг пиёз то 65 дирам ва 1 дона тухм то 50 дирам муайян шуда буд”.
Акаи Убайдуллоев, ин нарххо дар кадом бозор буданд? Ба ин гуфтаатон худатон бовар доред ми? Як бор аз кабинети салкинак берун баромада. бо ин роххои вайрона ба бозори Шохмансур омадад, нарххоро медидед, баъд гапи замини мегуфтед.

Ҷавоб диҳед Иқтибос Шикоят

Хофиз

Ин Убайдуллоев дар хобаш гап задестай. Хамачо 2 рузи ахир кимати буд.

Ҷавоб диҳед Иқтибос Шикоят

Камал

Убайдуллоев як бор худаш ба бозорхои шахр мерафт, вазъро медид. Аз руи варак ва хисоботи дуруги масъулон гап задан дар асри 21 камоли ноинсофист. Шахрдорро шахрнишинони Душанбе намешиносанд, ба чуз хамкишлокихои худаш.

Ҷавоб диҳед Иқтибос Шикоят

фарход

Хандаовар)))Мардум бо нархи гарон харид кардаасту,мухтарам мири шахр аз нархҳо дар Рамазон розӣ мондааст)))Дар дукони гуштфурошони 33 мкр.ман фаршро бо нархи 33 сосмони харидори намудам.Гуштро бошад агар бо нархи 29 сомон харидан хохи боз нимкило чарбу бояд гири.Пеш аз ид касобон 1-2 кило гуштро хатто намефурухтанд,бо бахонае,ки агар бисер гири мефурушем,не бошад хамаи гушт аллакай заказ шудааст.Ё худи назоратчиён ба мухтарам мири шахр маълумотхои нодуруст медиханд,ё ин ки ман намедонам чи...

Ҷавоб диҳед Иқтибос Шикоят

Точикбача

Мири шахри моро пулаш бисёр, барои хамин ба назари У, Киви 25с, апельсин 25с, арзон метобад

Ҷавоб диҳед Иқтибос Шикоят

Эзоҳ илова кунед