Русский  >>  فارسی  >>  Сешанбе 6 декабр 2016, 23:01

Дархости ФФФ аз ФИФА барои нишондодани корти сурх ба Исроил

17 август 2013, 12:17

Федератсияи футболи Фаластин(ФФФ) аз ФИФА хост, Исроилро аз феҳристи худ берун кунад.

Ҷибрил ар-Раҷаб, президенти ФФФ аз ФИФА талаб кард, Исроилро ба хотири он ки намегузорад, тимҳои футболи кишварҳои араб вориди қаламрави Фаластин шаванд, аз феҳристи худ хат занад.

Ар-Раҷаб, ки ин дархостро зимни нишасти матбуотие дар шаҳри Рамали Фаластин изҳор дошт, гуфт: “Мо аз ФИФА талаб дорем, то ба Исроил корти сурх нишон дода шавад, зеро барои ин кишвар алакай корти зард нишон дода шудаааст.”

Ба гуфтаи президенти ФФФ, чанде қабл намояндагони Федератсияи футболи ғарби Осиё, ки он 12 иттиҳодияи арабро дар бар мегирад, иҷозаи вуруд ба Фаластинро дарёфт накардаанд: “ Мақомоти исроилӣ ба се мураббии аз Урдун, ду намояндаи Имороти Муттаҳидаи Араб ва 13 футболбози Ироқ, ки қарор буд, дар мусобиқоти қаҳрамонии минтақавӣ барои футболбозони то 17-сола иштирок кунанд, иҷозаи вуруд ба Фаластинро надоданд.”

Маврид ба зикр аст, ки моҳи октябри соли ҷорӣ мусобиқоти қаҳрамонии минтақавӣ барои футболбозони то 21-сола дар Фаластин баргузор хоҳад шуд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!