Русский  >>  فارسی  >>  Ҷумъа 9 декабр 2016, 18:32

Интихоби Бобоев ба ҷои Қурбонгулӣ Бердимуаҳаммадов

19 август 2013, 12:27

Қосимгулӣ Бобоев ба ҷои Қурбонгулӣ Бердимуҳаммадов раиси Ҳизби демократии Туркманистон интихоб гардид.

Ба иттилои расонаҳои туркманӣ, Ҳизби демократии Туркманистон Ҳафтумин кунгураи худро рӯзи 18-уми августи соли ҷорӣ дар Ашқобод баргузор карда, дар он Қосимгулӣ Бобоевро барои худ раиси интихоб намуд.

Ин дар ҳолест, ки дар гузашта раҳбарии ин ҳизб бар уҳдаи Қурбонгулӣ Бердимуҳаммадов, раисиҷумҳури вақти Туркманистон буд.

Ҳизби демократии Туркманистон соли 1991 дар ҷои Ҳизби комунистии Туркманистони Шӯравӣ таъсис ёфта, тайи 20 сол ягона ҳизби амалкунандаи ин кишвар буд. Беш аз 15 сол раҳбарии онро Сапармурод Ниёзов, собиқ котиби Кумитаи марказӣ бар душ дошт. Баъди марги Ниёзов ба ин курси Қурбонгулӣ Бердимуҳаммадов нишаст.

Моҳи январи соли 2012 парлумони Туркманистон қонун “Дар бораи ҳизбҳои сиёсӣ”-ро қабул кард, ки таъсиси ҳизбҳои дигарро иҷозат медод. Бо гузашти якуним сол дар Ашхобод Ҳизби соҳибкорони Туркманистон сабти ном шуд.

Маврид ба зикр аст, ки ахиран Қурбонгулӣ Бердимуҳаммадов, райисҷумҳури Туркманистон эълон дошта буд, қасди берун шудан аз ҳайати Ҳизби демократиро, ки масъулияти сарварияш бар души ӯст, дорад. Ӯ гуфта буд, президенти кишвар набояд аъзои ягон ҳизб бошад, то дар шароити бисёрҳизбӣ ба ҳизбе, ки дар он шомил аст, бартарият надиҳад.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Вакти он расидааст, ки Чаноби Оли хам тарки хизби ХХД кунанд. Он гох вокеан муборизаи мансабдорон алайхи хизбхои дигар кам мешавд

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!