Русский  >>  فارسی  >>  Душанбе 5 декабр 2016, 05:24

Омодагии шаҳрвандони Туркманистон барои таҷлили “Рӯзи дучархасаворӣ”

27 август 2013, 17:33

Тамрини ниҳоии дучархасавории шаҳрвандони Туркманистон барои омодагӣ ба ҷашни “Дучархаронии дастаҷамъонаи туркман” поён ёфт.

Ба иттилои расонаҳои туркманӣ, ин тамрин имрӯз 27-уми август дар кучаву хиёбонҳои марказии шаҳри Ашқобод, пойтахти Туркманистон бо иштироки садҳо нафар баргузор гардид.

Манбаъ мегӯяд, ин тамрин аз тамринҳои пешин бо он фарқ дошт, ки ранги либоси варзишии кормандони ҳар муассиса ё донишгоҳ ба ҳамдигар монанд набуданд.

Маврид ба зикр аст, ки бо дастури Қурбонқулӣ Бердимуҳаммадов, раисиҷумҳури Туркманистон, рӯзи 1-уми сентябр дар ин кишвар “Рӯзи дучархасаворӣ” эълон гардида буд. Ба гуфтаи раисиҷумҳури Туркманистон ин иқдом ба хотири беҳтар гардидани саломатии инсон, ҳифзи муҳити зист ва машҳур гардидани варзиши дучарха гирифта шудааст.

Дар ин рӯз, тамоми шаҳрвандони Туркманистон аз кӯдакон сар карда, то донишомӯзони макотиби олию миёна ва кормандони муассисаҳои давлатию хусусӣ бояд дар кӯчаҳо савори дучарха шаванд. Соли 2012 ВАО-и Туркманистон аз он хабар дода буд, ки ин кишвар талош дорад, ҳаққи гузаронидани мусобиқоти ҷаҳонӣ оид ба дучархасавориро ба даст орад.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!