30 авг 2013 15:32Оcиёи Марказӣ / Тоҷикистон

“Садое аз хилват”-и Умар Сафар нашр шуд

Садое аз хилват. Бо ҳамин унвон ахиран нашриёти “Бухоро” повести Умар Сафарро нашр кард.

Ин маҷмӯа аз саргузашти инсонҳое нақл мекунад, ки дар паҳндаште бо номи Ҷаҳон равандаанд. Дар ин равандагист, ки мазоҳири тозае аз ҷаҳони дигар, ҷаҳони Инсон пешорӯяшон боз мегардад. Паймоиши ин паҳндашт душвор аст, вале шӯълаи фурузони умед аст, ки водорашон мекунад, то ранҷҳои сафарро нодида бигиранд.

Сарсухани китоб ба қалами шоири халқии Тоҷикистон Фарзона мутаалиқ аст. Ӯ менависад: “Садое аз хилват” моро ба доруссаломи дили Инсон даъват мекунад, ба хилватсарои номакшуфе, ки розҳову овозҳову эъҷозҳо зиндагонии ҷовидон доранд”. Ба таъкиди шоира Фарзона “мавзӯи биниши адиби равоншиносу ҷаҳоншинос Умар Сафар ҳамин нуктаи кучактарину бузургтарин аст: Ҷаҳону Инсон”.

Профессор Умар Сафар мудири кафедраи “Забони форсӣ” дар факултаи шарқшиносии Донишгоҳи миллии Тоҷикистон аст. Дар гузашта курсии декани ҳамин факултаро дар ихтиёр дошт.

Мӯҳр

Хабарҳои монанд:

Абдуллох

Ин китобша хам мисли китоби бешинаш "шахноза" ба тарики мачбури ба донишчуен мефурушад ин як анана шудаст дар байни усдодон

Ҷавоб диҳед Иқтибос Шикоят

Музаффар Мухаммади

Дусти азизам Умар Сафарро бо нашри ин китобаш табрик мегуям. Аввалин хикояатро дар солхои донишчуиямон хонда будам. Тули ин солхо хомуш буди, харчанд даруни дилат пури киссаву шеър аст. Дер ояду шер ояд.

Ҷавоб диҳед Иқтибос Шикоят

Шаҳбоз Ҳабибуллоев

Устод Умар Сафар яке аз устодони бехтарин да факултаи Шаркшиноси буда, хамеша аз тарафи устодон ва донишчуён кадрдони ва эхтиром карда мешавад.Китобхое ки устоди азиз то хол навиштанд китобхои беҳтарин ва хонданибоб дар насри муосири Точик ба хисоб меравад. Устоди азиз Худованд калами шуморо бурандатар аз шамшер дар чодаи адабиёти Тоҷик бигардонад.

Ҷавоб диҳед Иқтибос Шикоят

Эзоҳ илова кунед