Русский  >>  فارسی  >>  Чоршанбе 7 декабр 2016, 21:19

“Регар” бар ССКА пирӯз шуд. Акнун навбати "Равшан"-у "Истиқлол"

7 сентябр 2013, 12:40

Дастаи “Регар-ТадАЗ” дар нахустин бозии даври 12-уми мусобиқаи қаҳрамонии Тоҷикистон тими ССКА “Помир”-ро бо ҳисоби 3:2 шикаст дода, дар ҷадвали мусобиқот як зина боло рафт ва аз дастаи “Хайр”-и Ваҳдат пеш гузашт.

Ин дидор мебоист шоми 7-уми сетябр дар варзишгоҳи “Металлург”-и шаҳри Турсунзода баргузор шавад. Аммо ба далели ин ки бозии дастаҳои “Истиқлол” ва “Равшан” ба варзишгоҳи “Металург” кӯчонида шуд, бозии “Регар-ТадАЗ”-у ССКА “Помир” як рӯз пеш, 6-уми сентябр, баргузор гардид.

Нимаи аввали дидор бо ҳисоби 2:0 ба нафъи мизбонон анҷом ёфт. Голҳоро Сафаралӣ Каримов дар дақиқаи 12 (1:0) ва Хуршед Маҳмудов дар дақиқаи 26 (2:0) ба ҳадаф расониданд. Як голи дигари ғолибонро Комил Саидов дар дақиқаи 84 аз ҷаримагоҳ (пеналти) ба ҳадаф расонд (3:1). Ду голи дастаи ССКА “Помир”-и Душанберо Джеймс Адди, легионери ганагӣ дар дақиқаҳои 54 ва 90+2 ба ҳадаф расонид.

Ёдовар мешавем, бозии дастаҳои “Истиқлол”-и Душанбе ва “Равшан”-и Кӯлоб рӯзи 7-уми сентябр дар варзишгоҳи “Металлург”-и Турсунзода баргузор мегардад. Ин бозиро довари қазоқистонӣ Сергей Гороховодатскийи 36-сола доварӣ мекунад. Ҳамватанонаш - Серик Қошқарови 40-сола ва Самат Тергеусизови 27-сола ёварони ӯ таъин шудаанд.

Феълан дар ҷадвали мусобиқот дастаи Равшан бо 27 имтиёз дар ҷойи аввал қарор дорад. “Истиқлол” бо 24 имтиёз дуюм, “Регар -ТадАЗ” бо 19 имтиёз сеюм ва “Хайр” бо 17 имтиёз дар зинаи чорум ҷо гирифтаанд.

Нишонзанони беҳтарин: Ҳусейни Суҳробӣ (“Хайр”/”Истиклол”) - 7 гол, Дилшод Восиев (“Истиқлол”) - 6 гол, Ҷаҳонгир Эргашев (“Истиклол”) - 5 гол, Комил Саидов (“Регар-ТадАЗ”) - 4 гол.



Шарҳи худро бинависед:

Ном:*
E-Mail:
Матни шарҳ:
Посух додан
  • maruf

  • 7 сентябр 2013 19:56
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бозии Равшан ва истиклол бо хисоби 1:0 ба фоидаи Равшан анчом шуд голро бозингари Равшан Раками 10 Течи Саламон зад
Посух додан
  • Фанати ФК РАВШАН

  • 8 сентябр 2013 08:55
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Истиклол-РАВШАН 0-1 УРАААААААА!!!!! РАВШАНИ МО ЯГОНА!!!!!!!!!!!!!

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!