Русский  >>  فارسی  >>  Панҷшанбе 8 декабр 2016, 14:43

Ба мо маслиҳат медиҳанд, ки сукут кунем. Чаро?

30 сентябр 2013, 12:34

Вақтҳои охир “дӯстонамон” ва нафарони хайрхоҳе аз мо хоҳиш мекунанд, ки аксари мавзӯъҳоро нодида бигирем ва ё сукутро ихтиёр кунем. Дар Тоҷикистони мо сукут ба ду маъност: Яке тарс, дигаре розӣ будан ба масъала.

Дар чанд рӯзи охир тавассути почтаи электронӣ мактубҳои таҳқиромез қабул кардам, ки дар ҳамааш таҳдид, ҳушдор ва ҳатто пешниҳодҳо буд. Дар яке аз ин номаҳо омада, ки “одами оқил дар ин вақт сукут мекунад. Чӣ ҳашт миллион нафар чен (баробар)-и Шумо намефаҳмад, ё савод надорад?!”

Мегӯянд, ҷавониятро ҳайф мекунӣ, ба гапи дигарон гӯш надеҳ, онҳое, ки Шуморо идора мекунанд, аҳримананд ва хоини миллату ватананд. Гоҳе ба нафаре рабт медиҳанд, гоҳе ба гуруҳе. Аҷабо онҳо намефаҳманд, ки ҳашт миллион нафар журналист нестанд, деҳқонанд, табибанд, омӯзгоранд, ошпазанд, хуллас ҳар кадом вазифаи хосеро анҷом медиҳанд. Онҳое ҳам, ки даст ба таҳдиду таҳқиру тӯҳмат мезананд, онҳо низ вазифаи муайяни худро доранд.

Журналисте, ки сукутро ихтиёр кард, ӯ дигар журналист нест. Бояд тағйири касб кунад ва биравад дунболи кори дигар. Агар тарс аз ҷавонӣ ва ё марг бошаду мо эҳтиёт кунем, пас, бояд бидонем, ки ҳазорон ҷавон бидуни кадом андеша ё муборизаи сиёсӣ дар садамаи автомобилӣ, беморӣ, шиноварӣ ва ё дар муҳоҷирати корӣ зери сементу хишт ҷон бохтанд.

Мо-ку касеро таҳқир ё шаъну шарафашро паст назадаем. Агар масъала муҳим буд, гуфтем, ки ин андеша ғалат аст. Агар андешаи мо ғалат буд, пас, майдон васеъ аст. На бо роҳи бад кардану фишор овардан ё тӯҳмату таҳқир, балки бо роҳи ҷавонмардӣ ва бо андешаи солим бигӯем: бародар ё додар ин андешаатон ғалат ва қобили қабул нест.

Дар Тоҷикистон як афкори ғалате шакл гирифтааст, ки агар ҷое аз Исломи ноб пуштибонӣ кардӣ, гӯиё ту аз Тӯраҷонзодаҳо ё ҲНИТ пуштибонӣ дорӣ ва ё баръакс агар инҳо танқид шуданд, гӯиё ту аз ҳукумат пуштибонӣ дорӣ. Ҳар касе, ки камбудӣ кард, бигӯем, хоҳ он Тӯраҷонзода аст, ё ҲНИТ ва ё ҳукумату Шӯрои уламо. Ҳеч кадоме аз инҳо барои ман меҳвар нестанд, меҳвар ин ҳақиқат аст. Ҳақиқатро бидуни таҳриф ё паст задани ҷониби дигар бояд гуфт.

Адолат ин аст, ки ба ҳамаи ҷонибҳо барои ибрози андеша шароит фароҳам биоварем. Миллатро ба худиву бегона салафиву ҳанафиву дигару дигар ҷудо набояд кард. Касе мунофиқ шуд, ӯро чунин мегӯянд, ҷои озурдагӣ ҳам нест.

Агар дар пеши ноадолатӣ ва ё ноҳаққӣ сукут ихтиёр кардем, андешаи ғалатеро дидаву дониста посух нагуфтем ва ба хотири кадом манфиате ҳақиқатро таҳриф кардем, пас, мо ҷавоби онро рӯзе хоҳем дод. Хоҳ ҷавон аст, хоҳ наврас ва ё шахси калонсол барои тақдир ва ҳалли сарнавишти худ бояд талош кунад! Бояд ба ҷавонон ҷавонмардӣ, сарбаландӣ ва афкори пешрафта дар кору зиндагиро омӯзанд. Моро дар рӯҳияи тарсончакӣ, шахсиятпарастӣ, порагирӣ, дуздӣ ва хиёнат дар мансабу идораи миллату давлат тарбия накунед, мӯҳтарам рӯшанфикрон, роҳбарон, андешамандон, соҳибназарон, коршиносон, падару модарон, зиёиён ва ҳомиёни миллат.

Далер ШАРИФОВ,
журналист

PS: Навиштаи муаллиф назари шахсии худи ӯст.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бехтарин фахмиши дуруст нисбати чомиъаи мо бародари азиз Аллох нигохбонат башад.
Посух додан
  • А

  • 30 сентябр 2013 12:59
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хайр рост мегуи бародар.
Посух додан
  • хамкурси калон

  • 30 сентябр 2013 13:05
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
таърихи наклкардаи дустонат магар рост аст!?
Посух додан
  • Али

  • 30 сентябр 2013 13:20
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Эй марди ХУДО хама далер шуда наметавонанд далер бош ин амри ХУДО аст марди росткавлу поквичдон будан !
Посух додан
  • Окилбой

  • 30 сентябр 2013 13:24
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Точикистон хеч вакт хукумати одил нахохад дошт ва хеч гох обод нахохад шуд. Мо ба ин арзанда нестем. Барои хамин аз сиесат дур шуда ба корхои худ машгул шавед. Умратонро бехуда нагузаронед.
Посух додан
  • Мухаммад

  • 30 сентябр 2013 13:28
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Агар як озмун кунанду гуянд дар фалон мавзу маколаи тахкикоти навис боварии комил дорам, ки ту ва ту баринхо аз ухдаи навиштаничунин маколахо баромада наметавонед!!!!!
Рузе мерасад, ки ту баи ин чизхои сахт чавоб хохи гуфт. Аслан ту худат кисти, инро хама медонад!!!
Посух додан
  • Ahmad

  • 30 сентябр 2013 13:47
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Назари волиy болои дорад, назари оянданигари, назари бyзyргонамон, назари асри 21, назари рушдy тарақии кишварy ободи ва осyдагии хонаи Тоҷик, назари қобили қабули як инсони мyтамаддин на кyҳнагаро, аҳсан ба инхел ҷавонy ба онҳое ки ҷавонҳои нотарс ва озодандешро барои миллат тарбият карданд.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Далер Шарифов! Ин гушхо ва ин чашмхо кур хастанд ва хакро на мебинанд ва на мешунаванд. Ин харфи калби туст ва андаке аз одамон. Ибрози андешаи шумо манзараеро мемонад, ки азодор мурдаро илтичо дорад, ки зинда шавад. Ноларо харчанд мехохам, ки пинхон даркашам, Сина мегуяд, ки ман танг омадам, фаред кун. Муваффак бош!
Посух додан
  • Чаноби Икс

  • 30 сентябр 2013 14:04
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Сукут накун!!! Давом дех.....
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Расо дуруст бародарам Далерчон. Таклифи сокит буданро ман пшниход карда будам. Умуман Шуморо хамчун чавони (кариб хамсолем) чобук, сохиби андеша, фахм, часорат ва ихлос эътироф мекунам ва бояд кайд кунам, ки аз чониби ман захрае мавриди тахкир ва ё беэхтироми карор нагирифтаед. Дар вокеъ шугли ману Шумо мутафовит аст. Ман дустона ва аз дилсузи танхо ба хотири нигох доштани киммати сухан назди такрибан "хеч чиз" чунин тавсия дода будам. Охир суханро "чу зар санчида в-он гах харч кардан" гуфтаанд. Мархамат як бори дигар хамон чумлаи боби Хайдарроо талафуз карда, "мардаквори" хазм кунед, ба фикрам бузургтарин посухи у як кох-кох зада зарханда кардан аст. Шояд барои баъзехо хамин як чи бошад, ки маърака огоз кунанд, аммо пиндорам ба Шумо чунин нест. Рости ман миёни насихату маслихат тафовут мебинам. Баъзе калонсолонро, ки тамоман дигар имкони ислохшави надошта, на чисми солим доранду на зехни кобил (узр), насихат ку не, маслихат низ дода наметавонам. Ба Шумо маслихатам хамин аст, ки хеч гох натарсед, чунки ягон гуна хавф вучуд надорад. Хохишам ин, ки хамчун журналист назари рангин дошта бошед на хамеша аз зовияи дину (алхамдулилох мо низ мусалмонем) дар иртибот ба рухониён.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
тавбафармоён чаро худ тавба камтар мекунанд?
Посух додан
  • panjshanbe

  • 30 сентябр 2013 14:39
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
behtarin fikru andesha javonmard boyad chunin boshad hazrato
Посух додан
  • Фаридун

  • 30 сентябр 2013 14:43
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ofarin Daler boshi
Посух додан
  • МАРЯМ

  • 30 сентябр 2013 14:51
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
офарин ДАЛЕРҶОН.
АММО САЪЙ КУН ҲАДДИ АҚАЛ ЯГОН ФАКТИ ҚОНУНИ ЪАЛАЙ ХУДАТ ДУРУСТ НАКУНИ.
ХУДОВАНД ТУРО ҲИФОЗАТ КУНАД ОМИН
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Журналист, ё кадом равшанфикри дигар, умуман хар шахрванде, ки даст ба хомуши, бетарафи, мардумфиреби ва ё чоплуси (падхалими) мезанад вай хоини Ватан аст. Дар пешонии чунин ашхос бояд мухри "Хоини Ватану миллат" гузошт, то ки тамоми мардуми Точикистон онхоро дакиктар бишиносанд. Ин кисмат ашхоси беномусу бегам Ватанро ба нобуди мебаранд.
Дар ин иртибот шоири баландманиш дуруст фармудааст:
Хар кас, ки дар ин замона уро гам нест, Ё одам нест, ё аз ин олам нест.

Дар солхои 90-ум баъзе муллохо, равшанфикрон, низомиён, сиёсатмадорони чаласавод ва хатто журналистхо хамин кабил иштибоххои бузург карданд ва аксарияти мардумро рохгуму парешонхотир намуданд, регионхоро бо хам таззод намуданду ба кутоуттарикон салохи оташфишоро таксим карданд. Натичааш чанги нанговари бародаркуши дар Точикистони зебову инсонпарасти мо шуд...

Хакикатро бояд ба мардум тавзех дод ва мардуми шарифи тчикистон донишу маърифат ва илму донишу кудрату тавонои дорад, ки чи тасмим бигираду чи икдом кунад. Киро тарафдори кунаду,киро ради маърака элон намояд.
Бузургон бехуда нагуфтаанд, ки:

Ростиро набувад хеч заволе ба чахон, Сарв агар хушк шавад, боз асо мегардад.
Аз тамоми хамватанони гиромиям хохиш менамоям, ки шиори зиндагии зерини бузургонамонро харруза амалан ичро намоянд, он вакт пирузи аз хамаи мову шумост ва Ватанро аз хатар начот медихем:

Пиндори нек, гуфтори нек, кирдори нек.
Ба қафо | Ба пеш

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!