Русский  >>  فارسی  >>  Якшанбе 4 декабр 2016, 00:39

Ҳакимуллоҳ Маҳсуд чӣ касе буд?

5 ноябр 2013, 11:38

Ҳакимуллоҳ Маҳсуд, фармондеҳи толибони Покистон, ки дар ҳамлаи ҳавопаймоҳои бесарнишини Амрико кушта шуд, ҷонишини фарде шуда буд, ки сарнавиште монанди худаш дошт.

Ба гузориши хабаргурозии “Форс”, ҳамлаи мушакии ҳавопаймоҳои бе сарнишини Амрико ба минтақаи Вазиристони шимолӣ боиси кушта шудани Ҳакимуллоҳ Маҳсуд, раҳбари ҷунбиши толибони Покистон шуд.

Ҳакимуллоҳ Маҳсуд, ки мутаваллиди соли 1978 буд, пас аз кушта шудани Байтуллоҳ Маҳсуд ба раҳбарии ин гуруҳи ниманизомӣ расид. Вай пеш аз кушта шудани Байтуллоҳ, ки ӯ ҳам дар ҳамлаи ҳавопаймоҳои бе сарнишини Амрико кушта шуд, муовини вай дар умури фармондеҳӣ ва аз сарони гуруҳи низомӣ бо номи “Фидоиёни Ислом” буд.

Ошноии Ҳакимуллоҳ бо Байтуллоҳ ба даврони мадраса бармегардад, ҷое ки ӯ дар даврони хонданаш дар мадрасае дар минтақайи “Ҳонгӯ”и Покистон, бо Байтуллоҳ ҳамроҳ буд. Ҳакимуллоҳ, ки барои худаш номи Зулфақорро интихоб карда бу,д ба унвони муҳофизи шахсӣ ва муовини Байтуллоҳ интихоб шуд.

Номаш дар он замон дар миёни неруҳои толибон ба хотири маҳоратҳое, ки дар набард бо силоҳи “клашинков” дошт, шуҳрат ёфт. Гуфта мешавад дар он замон танҳо фарде ба номи Нек Муҳаммад аз ӯ маҳорати бештаре дар истифода аз ин силоҳ дошта аст.

Соли 2004 у сухангуи толибон шуд ва байни тобистони соли 2007 ва баҳори 2008 ҳамлаҳои низомие алайҳи корвони низомии Амрико созмондеҳӣ кард, ки боис шуд “Тангаи Хайбар” дар марзи Афғонистон ва Покистон, 6 бор баста шуд. Шояд ба ҳамин сабаб буд, ки фармондеҳии манотиқи “Укозӣ” , «Хайбар» ва «Карам» дар ҳамин сол ба ӯ дода шуд.

Дар 22 августи солии 2009 Маҳсуд 28 сола ба раҳбарии ҷадиди гуруҳи таҳрикии толибон таъйин шуд. Дар он замон гуруҳи толибон кушта шудани Байтуллоҳро рад мекард ва ин таъйиноти нав хабарӣ буд, ки гумоназаниҳо дар бораи марги раҳбари пешини толибон дар ҳамалоти Амрикоро тасдиқ мекард.

Аз ин замон ба баьд худи Ҳакимуллоҳ ҳадафи овозаҳои зиёде аст, ки гоҳу бегоҳ марги ӯро эълон мекунад. Камтар аз як ҳафта аз интихоби ин раҳбари толибон нагузашта буд, ки шабакаҳои хабарии покистонӣ гузориш доданд Ҳакимуллоҳ дар даргириҳое, ки байни неруҳои у ва як қабилаи дигар барои таъйини ҷонишини Байтулоҳ сурат гирифта, кушта шудааст.

Бо он ки худи Ҳакимуллоҳ чанд рӯз пас аз ин овозаҳо бо Би Би Си тамос гирифт ва зинда буданашро эълон кард, овозаҳо идома дошт ва ин қоида то замоне, ки у бо гуруҳе аз хабарнигорон дидор накард, тамом нашуд.
Бо ин ҳол, шуълаи овозаҳои марги Ҳакимуллоҳ танҳо то як муддате аз байн рафт, чаро ки дар 14 феврали 2010 ҳамлаи Амрико ба маҳалле, ки гуфта мешавад ин раҳбари толибон дар онҷо хоб буда, боз ҳам бозори гумоназаниҳоро гарм кард. Аъзам Торуқ, сухангӯи толибон билофосила кушта шудани вайро рад кард, аммо расонаҳои покистонӣ боз ҳам гузориш доданд, ки у захмӣ шуда ва вафот кардааст.

Гузоришҳои зиду нақиз, ки гоҳ марг ва гоҳе зинда будани раҳбари толибонро хабар медоданд, танҳо ҳангоме ба поён расиданд, ки у ҳам дар феврали соли 2011 дар видиое марбут ба кушта шудани «Султон Амир Тарор», яке аз афсарони артиши Покистон, дида шуд.

Аз он ба баъд гузоришҳои парешони дигаре аз марги раҳбари толибон мунташир мешуд, то инки рӯзи ҷумъа расонаҳо бори дигар дар гузорише, ки монанди тахмин ва гумонаҳои қаблӣ буд, кушта шудани уро эълон карданд. Аммо инбор авзоъ аз он ру дигар буд, ки толибони Покистон ба фосилаи андаке пас аз ин гузоришҳо, марги раҳбари гуруҳии толибонро тасдиқ кард.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!