Русский  >>  فارسی  >>  Чоршанбе 7 декабр 2016, 19:21

Дахолати вазир ба қазияи “облава” ва латукӯби Абдумалик (ВИДЕО)

19 ноябр 2013, 15:05

Масъулини Вазорати дифои Тоҷикистон аз хонаи Абдумалики Абдурасул, ки ахиран ҳангоми облава дар Душанбе мавриди латукӯб қарор гирифтааст, дидан намуда, ҷузъиёт ва ҷойи ҳодисаро таҳқиқ кардаанд.

Абдуррасул Сатторов, падари Абдумалик дар суҳбат бо “Озодагон” гуфт, рӯзҳои 18 ва 19-уми ноябр ду тан аз кормандони Вазорати дифои кишвар ба хонаи ӯ омада, аз аҳволи Абдумалик ва макони ҳодисаю шоҳидони қазия пурсон шудаанд: “Ин ду нафар ба ман гуфтанд, ки бо фармони вазири дифоъ, Шералӣ Хайруллоев ба инҷо омадаанду дастур гирифтаанд, то омилони латукӯби писари маро муайян ва муҷозот кунанд.”

Ба иттилои Абдурасул Сатторов, кормандони Вазорати дифоъ бар асоси гуфтаҳои шоҳидони қазия муайян кардаанд, ки яке аз ҳамлагарон корманди комиссариати ҳарбии ноҳияи Синои пойтахт будааст.

Дар ҳамин ҳол Сатторов аз бетаваҷҷуҳии Додситони ҳарбии кишвар ба қазияи латту кӯби писари маъюбаш ибрози нигаронӣ намуд. Ӯ мегӯяд, рӯзи 24 октябр аз болои ҳамлагарон ба писараш ба ин ниҳод шикоят бурдааст, вале бо гузашти беш аз 25 рӯз ҳанӯз посух нагирифтааст.

Абдурасул Сатторов, сокини ноҳияи Синои шаҳри Душанбе, падари Абдумалики Абдурасул қаблан ба «Озодагон» иброз намуда буд, ки рӯзи 24 октябр шаш тан аз кормандони яке аз комиссариати ҳарбии Душанбе, дар наздикии масҷиди маъруф ба “Мехкалон” ҳангоми даъвати маҷбурӣ ё “облава” писарашро шадидан зери зарбу шатта қарор додаанд. Худи Абдумалики Абдурасул, баъд аз латту кӯбаш қайд намуд, дар роҳ ба сӯи маҳалли кораш бо кормандони комиссариати ҳарбӣ рӯбарӯ шуд ва онҳо бидуни шиносоӣ ӯро ба дуздӣ муттаҳам карда, хостаанд, ба микроавтобуси навъи “Старекс” иҷборан савор кунанд.

Вале ҳангоми пурсидани ӯ, ки “Шумо кӣ ҳастеду маро куҷо бурданиед”, шадидан мавриди латту кӯб аз сӯи эшон қарор гирифтааст: «Ҳангоме ки роҳгузарон ва шоҳидони ҳодиса мехостанд, ӯро аз зери шаттаи кормандони комиссариат наҷот диҳанд, онҳо ба роҳгузарон гуфтаанд, ки наздик нашавед, ин ҷавон дузд ҳасту мо ӯро дастгир кардаем».

Ин ҷавони маъюби тоҷик мегӯяд, дар қазияи латту кӯбаш аз сӯи кормандони комиссариат тақрибан 300 доллар ва зиёда аз 200 сомонии ӯ аз ҷайбаш ғайб задааст.





Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хайфм хамин хел коргархо .... наход то ин дарача давлат бесохиб бошад ки касе чи кори гайри конуние хохад мекунад.. ва аз он коргархое ки кор мекунан хохиш мекунем дар паи фарзанди дигар инсонхо фазанди худашонро монанд ё лату куб кунанд .. эй худои бузург инхел инсохоро як бор худат чазошона те хайфи умри одамизод дар назди хамнхел нокасхо :рецоурсе: :рецоурсе: :рецоурсе:
[

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!