18 дек 2014 14:57Тоҷикистон / Дин ва зиндагӣ

Маркази исломӣ: “Худованд ба касоне, ки раҳм ба мардум надорад, раҳм намекунад”

Раёсати Маркази исломии Тоҷикистон бо пахши як изҳорот ҳамлаи гуруҳи террористии Толибон ба яке аз мадориси шаҳри Пешовари Покистон, ки мунҷар ба қатли беш аз 150 сокини осоишта гардид, шадидан маҳкум карда, онро амали ваҳшиёна ва ғайриинсонию исломӣ хондааст.

Дар изҳороти ин марказ, аз ҷумла таъкид шудааст, “Ислом касонеро, ки даст ба ҷинояти сангин, яъне қатл ва куштор мезананд, такфир намудааст. Чуноне, ки Расули Акрам (с) фармудаанд: “Худованд ба касоне, ки раҳм ба мардум надорад, раҳм намекунад”.

Раёсати Маркази исломии Тоҷикистон мегӯяд, анҷоми ин гуна амалҳои ваҳшиёна, ки боиси қатлу куштори мардуми бегуноҳ, аз ҷумла занону кӯдакон мегардад, ҳеч иртиботе ба дини мубини Ислом надорад. “Аз дидгоҳи шариати муқаддаси Ислом на танҳо резондани хуни мусалмон ҳаром аст, балки резонидани обрӯи шахси мусалмон низ ҷурми сангин аст. Хусусан ба қатл расонидани кудакон ҷинояти нобахшиданӣ маҳсуб мегардад. Зеро Пайғамбари Худо (с) фармуданд: “Ҳар навзод бо имони фитрӣ таваллуд шудааст”. Агар мо ба таърихи садри Ислом назар андозем, мебинем, ки мусалмонҳо баъд аз он ки душманон ба сарзамини онҳо лашкаркашӣ карданд, дар натиҷа мағлуб мегардиданд ва мусалмонҳо онҳоро муҳосира мекарданд, аз куштани кудакон, занон ва беморон ва пиронсолон худдорӣ мекарданд”,- омадааст дар изҳорот.

Раёсати Маркази исломии Тоҷикистон аз баъзе гуруҳҳое, ки барои пиёда кардани аҳдофи худ дар замони муосир аз таълимоти дини муқаддаси Ислом сӯистифода мекунанд ва Исломи нобро ба сиёсат олуда мекунанд, даъват кардааст, аз ин амалҳои хеш даст бардоранд. Дар охир масъулини Маркази исломии кишвар бори дигар ин ҳамлаи гуруҳи Толибонро маҳкум карда, ба наздикон ва пайвандони қурбониён ибрози тасалият гуфтаанд.

Мӯҳр

Хабарҳои монанд:

муаллим

мардуми точик дар фасли сарди зимистон бебарк хастанд ва дар якшабонаруз 6-8соат барк мегиранд,магар ин хам берахми нисбати мардум нест?

Ҷавоб диҳед Иқтибос Шикоят

марчон

Аз дуди ангишт мемуранд мардуми мо магар ин бе рахми нест. Албата ин кори кардаи ин террористон нобахшиданист, лекин Уламои муътабар як бор ним бор дар бораи азоби мардуми точик низ изхорот дихед

Ҷавоб диҳед Иқтибос Шикоят

Мусалмон

إِنَّمَا السَّبِيلُ عَلَى الَّذِينَ يَظْلِمُونَ النَّاسَ وَيَبْغُونَ فِي الْأَرْضِ بِغَيْرِ الْحَقِّ أُوْلَئِكَ لَهُم عَذَابٌ أَلِيمٌ
Роҳи накуҳиш танҳо бар касоне аст, ки ба мардум ситам мекунанд ва дар руи замин ба ноҳақ сар бар медоранд, онон азобе дарднок хоҳанд дошт.
Сураи Шуро, ояи 42.

Ҷавоб диҳед Иқтибос Шикоят

786 Кулоб

Салом мардуми мусулмон, дидан ва шунидани азобу машакати дигар мусулмонон нишонаи драчаи имони хар мусулмоне аст, ин кори хуб аст. Мардуми мусулмони точик хам бояд дида шаванд ва шунида шаванд. Масулон ва сохибмансабон хам дар ин дунё ва хам дар ондунё сахттар аст чавобагуияшон, бояд сари акл биян ё ба сухани дил ва эмонашо гуш бидиханд агар доранд инхоро. Мардуми точикро кумак кунен камтарин имконоти зиндагияшонро барк, об, газро фарохам кунен, зулм ва ситам накунен ки Худованд хечгох дуст надошта ва намедорад, ба шиддат азоби алим мекунандашон. Эхтиёт кунен.вассалом.

Ҷавоб диҳед Иқтибос Шикоят

Эзоҳ илова кунед