Русский  >>  فارسی  >>  Ҷумъа 9 декабр 2016, 16:35

Интерпол: Саъдӣ Қаззофӣ дар куштори одамон даст дорад

29 сентябр 2011, 09:47

Пулиси байналмилал санади боздошти Саъдӣ Қаззофӣ, яке аз писарони роҳбари пешини Либия-Муаммар Қазофиро имзо кард.


Дар ин бора хабаргузории «Франс-Пресс» бо такя ба суханони як масъули баландпояи Интерпол иттилоъ медиҳад. Пулиси байналмилал эълом кардааст, ки Саъдӣ Қаззофӣ аз ҷинояткорони махсусан хавфнок маҳсуб мегардад ва ба рӯйхати махсуси дар кофтуковбудагон ворид гаштааст. Санади боздошти ӯ бо дархости ҳукумати ҷадиди Либия содир шуда, номбурда бо ҷурми даст доштан дар қаллобӣ, «ҳуҷуми мусаллаҳона», таҳдиди сокинони осоишта ва куштори одамон муттаҳам дониста мешавад.

Тибқи маълумоти ахиран, ки мақомоти амниятӣ интишор кардаанд, Саъдӣ Қаззофӣ ҳамроҳ бо чанд нафар аз наздикону пайвандонаш дар кишвари Нигерия панаҳ мебарад.Ҳукумати ҳамсоякишвар тазаккур додааст, ки барои ин афрод «паноҳгоҳи инсондӯстона» муҳайё шудааст.

Гуфтанист, то барканории режими Муаммар Қаззофӣ писараш Саъдӣ дар бахшҳои мухталифи варзишии ин кишвар фаъолият дошт, аз ҷумла то рӯзи фирор ӯ ба ҳайси роҳбари федератсияи футболи Либия масъул буд. Ҳукумати нави Либия изҳор медорад, ки Саъдӣ Қаззофӣ замони даргириҳои дохилӣ фармондеҳии ҷузъу томҳои махсуси низомиро ба зимма дошт.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!