Эмомалӣ Раҳмон телефонӣ 75-солагии Назарбоевро табрик гуфт
Эмомалӣ Раҳмон, раисҷумҳури Тоҷикистон ҳамтои қазоқаш – Нурсултон Назарбоевро ба муносибати ба синни 75-солагӣ қадам ниҳоданаш телефонӣ табрик гуфтааст.
Ба иттилои дафтари матбуоти раёсатҷумҳури кишвар, суҳбати телефонии Эмомалӣ Раҳмон бо Нурсултон Назарбоев субҳи имрӯз, 6 июл сурат гирифт. Манбаъ мегӯяд, раисҷумҳури Тоҷикистон ҳамтои қазоқи худро ба рӯзи зодрӯзаш табрик гуфта, “барояш саломатии қавӣ ва комёбиҳои навин орзу кард”.
Дафтари матбуоти раёсатҷумҳури кишвар афзудааст, ки суҳбати Эмомалӣ Раҳмону Нурсултон Назарбоев гарму бародарона сурат гирифта, ибрози умедворӣ шудааст, ки равобити дӯстонаи Тоҷикистону Қазоқистон дар оянда низ рушди матлуб касб хоҳад кард.
Нурсултон Назарбоев 6 июли соли 1940 дар ҷумҳурии шӯравии сотсиалистии Қазоқистон ба дунё омадаааст. Ӯ аз соли 1984 то 1989 раҳбарии Шӯрои вазирони ин ҷумҳуриро бар уҳда дошт. Соли 1989 ба ҳайси раҳбари Кумитаи марказии Ҳизби коммунистии Қазоқистон интихоб шуда, то соли 1991 дар ин симмат кор кардааст. Дар пайи пошхурии Иттиҳоди шӯравӣ моҳи декабри соли 1991 ба ҳайси нахустин президенти Қазоқистон ба курсии раҳбарии кишвараш нишаст ва инак то ҳол бо ислоҳу тағйири пайдарпайи Қонуни асосӣ (конситутсия)-и Қазоқистон, бузургтарин кишвари Осиёи Марказӣ аз лиҳози қаламраву захираҳои табиӣ ва ҳаҷми иқтисодро раҳбарӣ мекунад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |