Русский  >>  فارسی  >>  Сешанбе 6 декабр 2016, 05:44

Боздошти нашъаҷаллобон дар Панҷакент ва Кӯлоб аз ҷониби АНМН

13 октябр 2011, 12:02

Кормандони Агентии назорати маводи нашъаовар як силсила чорабиниҳои фаврӣ-ҷустуҷӯиро дар қаламрави кишвар роҳандозӣ кардаанд.


Тавре ба “Озодагон” аз агентии мазкур иттилоъ доданд, дар натиҷа барои ширкат дар муомилоти ғайриқонунии нашъа 4 нафар боздошт гардиданд. Аз ҷумла,  10-уми октябр, дар ҷараёни баргузории чорабинӣ бо усули “харидории назоратӣ” кормандони шӯъбаи раёсати агентӣ дар гурӯҳи ноҳияҳои Зарафшони вилояти Суғд бо гумони фурӯши воситаҳои нашъаовар сокини 37-солаи ноҳияи Панҷакентро, ки пештар бо моддаи 138 КҶ ҶТ (барои таҷовуз ба номус) маҳкум шуда буд, боздошт намуданд. Аснои кофтукофи шахсӣ аз ӯ бастаи пур аз ҳероин кашф ва мусодира гардид. Зимни чорабинии иловагӣ боз ду тан аз шарикони ин амали ҷиноӣ, ки аз ҷумлаи сокинони ҳамин ноҳия буданд, дастгир карда шуданд. Аз рӯи ин ҳодиса мувофиқи моддаи 200, қ.4 КҶ ҶТ (муомилоти ғайриқонунии воситаҳои нашъаовар бо мақсади фурӯш) парвадаи ҷиноятӣ боз гардид.

 

Манбаъ ҳамчунин афзуд, худи ҳамон рӯз кормандони раёсати агентӣ дар вилояти Хатлон дар ҷараёни тафтиш ва татбиқи маълумоти фаврӣ бо истифода аз саги хидматӣ ҷои истиқомати як сокини 33-солаи шаҳри Кӯлобро мавриди тафтиш қарор доданд. Дар яке аз утоқҳои он бастаи селофании дорои 38 қутти пур аз маводи нашъаовари “канабис” ошкор ва мусодира шуд. Тибқи хулосаи озмоишгоҳи ташхисӣ- судии агентӣ вазни умумии он 400 граммро ташкил медод. Ҳангоми пурсиш боздоштшуда иқрор шуд, ки маводи мазкур ба ӯ тааллуқ дорад ва қасд дошт онҳоро фурӯшад. Ҳоло чораҳои иловагӣ барои шиносоӣ ва ба ҷавобгарии ҷиноятӣ кашидани шахсони дигаре, ки ба ин ҷиноятҳо шариканд, андешида мешаванд.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!