ВИДЕО: “Пешқадамӣ”-и ҳаводорони Меҳринигор дар харидории пероҳанҳои саҳнавӣ
Масъулини мағозаи “Топ-Медиа”, як фурӯшгоҳи махсуси либос ва пойафзоли намояндаҳои шоу бизнеси тоҷик мегӯянд, то имрӯз беш аз даҳ пероҳани Меҳринигори Рустам харида шудааст.
Фотима Ғафурова, фурӯшандаи ин шоу-бутик дар суҳбат ба “Озодагон” арзиши либосҳои ин сарояндаро аз 300 то 2000 сомонӣ гуфт. Ӯ мегӯяд, ба ҷуз Меҳринигор овозхонҳое монанди Зулайхо Маҳмадшоева, Фирӯза Ҳафизова, Зайнура Пулодова, Таҳмина Ниёзова, Нигина Амонқулова, Ҷонибеки Мурод, Фариддуни Хуршед либосҳояшонро ба фурӯш баровардаанд: “Шабнами Сурайё низ ваъда кард, ки рӯзҳои наздик чанд либоси худро меорад”.
Хонум Ғафурова афзуд, бештари либос ва пойафзолҳое, ки сарояндаҳо ба ин мағоза супурдаанд, ҳамагӣ як маротиба истифода шудаанд.
Мағозаи “Топ-Медиа” ду моҳ қабл дар маркази савдои “Пойтахт-90” боз шуд ва ба қавли Фотима то имрӯз аз ҳама бештар -- 10 пироҳани Меҳринигор ба савдо рафтааст: “Бештари харидорон арусҳо ҳастанд, чун бештари пироҳанҳои Меҳринигор аз адрасу чакан аст, ба арӯсон мувофиқ меояд. Муштариён вақте меоянд, либосҳои сарояндаҳоро мешиносанд, мегӯянд, дар фалон клип ё консерт пӯшида буданд”.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |