04 сен 2015 13:57Тоҷикистон / Иқтисодӣ / Тема дня

Созишномаи “СВОП” имзо шуд. Тоҷикистон ним миллиард доллар мегирад

Бонки миллии Тоҷикистон ва Бонки мардумии Чин созиномаи “СВОП”-ро имзо карданд, ки бар пояи он тоҷирону соҳибкорони тоҷик метавонанд мустақиман пули сомониро бо юани Чин иваз карда, аз он кишвар молу маҳсулот ворид созанд.

Абдуғафор Қурбонов, сухангӯи Бонки миллии кишвар имрӯз, 4 сентябр ба “Озодагон” гуфт, муҳлати созишнома 3 солро дар бар гирифта, зери он Ҷамшед Нурмуҳаммадзода, раиси Бонки миллии Тоҷикистон ва Жоу Шиаогуан, раиси Бонки мардумии Хитой имзо гузоштаанд.

Бар асоси созишномаи мазкур Чин давоми се соли оянда ба Тоҷикистон беш аз 3 миллиард юан, муодили қариб 500 миллион доллар медиҳад. Оқои Қурбонов мегӯяд, мақсад аз имзои созишнома тавсеаи ҳамкориҳо миёни ин ду ниҳоди молӣ ва роҳат кардани фаъолияти тоҷирон мебошад.

Қаблан Бонки миллии Тоҷикистон хабар дода буд, ки дар сурати тасвиби созишномаи “СВОП” табодули сомонӣ бо юани чинӣ роҳандозӣ хоҳад шуд. Бо амалӣ гардидани созишномаи “СВОП”, ки як навъ табодули асъорӣ миёни бонкҳо ба муддати муайян гуфта мешавад, дар назар аст, харидории доллари амрикоӣ аз ҷониби тоҷирони тоҷик, ки асосан аз Чин молу маҳсулот ворид мекунанд, коҳиш ёбад. Ҷамшед Нурмуҳаммадзода, раиси Бонки миллии Тоҷикистон дар нишасти нимсолаи ниҳодаш гуфта буд, дар сурати ҷалби юан аз Чин ба Тоҷикистон бо усули “СВОП” тоҷирони тоҷик дар кишвар сомониро бо юан иваз карда, аз Чин бо асъори миллии ин кишвар метавонанд мол харидорӣ намуда, ба кишвар ворид намоянд.

Соҳибкорону тоҷирони тоҷик аз кишвар доллар харидорӣ намуда, онро дар бонкҳои Чин бо юан иваз мекунанд ва пасон маҳсулоти мавриди ниёзи худро харидорӣ мекунанд.

Мӯҳр

Хабарҳои монанд:

Иктисодчи

Муборак бошад, ахсан ба кормандони НАВИ Бонки Милли, мешудааст ку, кай рох андози мешудабошад аа??

Ҷавоб диҳед Иқтибос Шикоят

сарватманд

Хамин кор ягон хосияти хуб дорад ё дар соли оянда бо юан ба нархи долар мешава ..... Бамеди гушт аз картошка намонем

Ҷавоб диҳед Иқтибос Шикоят

Ismat

Ин бехтарин икдом аст. Ахсан, шояд пас аз ин ин точирон ин кадар курби долларро боло набаранд.

Ҷавоб диҳед Иқтибос Шикоят

инсон

Пура шарх дихед каи мешавад ин кор

Ҷавоб диҳед Иқтибос Шикоят

Мехр

Холо бояд дакик кард, ки ин 3 миллиард бар ивази чи дода мешавад. Пулро хамту хеч кас намедихад. Агар бар ивази доллар бошад ё бар иавази ягон ашёи хом бошад ки пештар бо доллар харида мешуд, мушкил хал намешавад.

Ҷавоб диҳед Иқтибос Шикоят

Бедил

Як ба як иваз мешуда бошадми ё фарк дорадми нархи юан бо сомони???

Ҷавоб диҳед Иқтибос Шикоят

Эзоҳ илова кунед